فين حببتي .

رأفت عبد العال شبكة أخبار مصر

كل يوم تسألني شمسي
فين حببتي؟؟؟
أنكوي بدموعي واتغطى
بوجيعتي
والحقيقة الحقيقة ياحببتي
مش أنا إللي قُلت إن الفرقة
صعبة
اسألوا الناس إللي قالوا قبل
مني
واسألوا الليل والنجوم راح يحكوا
همي
بس لما الشمس تطلع ارجع انده
ع إللي مني
وإللي خلى الحزن ساكن جوه نني
كل شيء في الدنيا عارف له بداية
العجيبة يا حببتي العجيبة إني
معرفش النهاية
زي فكرة بنتولد ملهاش حكاية
زي ناس في حياتنا فاتت
أو حاجات في قلوبنا ماتت
أو محطة اتفرقوا فيها الحبايب
كل شيء في الدنيا جايز
تنولد في حياتنا لحظة
تحي جوه قلوبنا دمعة
ليها حبكة في وجعنا
أو تسد طريق رجوعنا
لحظةتكوي في ضلوعنا
تشتكي منها المواجع
يا حببتي كل شيء للأصل راجع
والحقيقة ياحببتي في الجواب
الحقيقة نقضي ليل نصبح تراب
دي الحقيقة الحقيقة ياحببتي
مش سراب ٢٠٢٠/٢/٢٣