ازاي تطولي شعرك و تخلي شعرك يطول أسرع في شهر واحد

ازاي تطولي شعرك و تخلي شعرك يطول أسرع في شهر واحد

كتبت/ نورهان أباظة

بنات كتير يسألوني عن مشاكل تساقط الشعر، و الفكرة انه جزء من حل المشكلة هي الإهتمام بنمو الشعر بشكل صحيح أول حاجة أساسية في نمو الشعر بشكل حي هي الدات المتوازنة الصحية.. و خصوصا انك تركزي في المأكولات و الفاكهة و الخضار اللي فيهم ” vitamins A, B, C, and E, iron, zinc, copper, magnesium, and selenium. Vitamin B-complex”

هنقول يعني ناكل ايه صحي لنمو الشعر
حاولوا تركزوا مع الحليب، الأجبان، الفراخ، البيض، السلمون، السبانخ و البروكلي و البقدونس، الكرنب، الجريبفروت، الأفوكادو ، العيش البني ، الشوفان. اشربوا على طول عصير طبيعي و احيانا عصير خضار زي الطماطم مفيد جدا، الجزر و الخس برضه من الحاجات المفروض تركزوا عليها،
السمك، و المكسرات و البقوليات و زيت الزيوت و الأكل اللي غني ب Omega-3 fatty acids من الحاجات اللي بتأثر في نمو الشعر لأن الشعر بنسبة 3% متكون من الfatty acids و بيبان مع المداومة.دايما دومي علي مسك بياض البيض علي الشعر اسبوعيا ومتنسيش علشان شعرك يطول هتستخدمي زيت خروع وزيت بذور العنب وزيت النعناع
بزيت الزيتون و القرفة و العسل لأنهم بيحفزو نمو الشعرتعملي بيهم مساج كل اسبوع ياست الكل وبكده بنكون بنفتح مسام الشعر وتنشيط البصيلات
بتعملي الأعشاب بأنك تغليها في المية و تسيبيها منقوعة من 10-20 دقيقة، و بتستخدمي المية بتاعتها بعد ما بتبرد كشطفة اخيرة بعد الشامبو و البلسم.
غير انها بتحفز النمو، كمان بتقوي الشعر و بتنعمه.
جربي تشربي الأعشاب دي برضه علشان تبقي عالجتي المشكلة من برا و من جوا

آخر حاجة هاقولك عليها هي الآلو فيرا، و هي مفيدة جدا جدا جدا للبشرة و الشعر.
و يا ريت لو تقدري تشتري النبتة نفسها و تستخدمي الجل اللي بيطلع منها فريش بدل ما تشتري من الصيدلية.

الآلو فيرا بتمنع تساقط الشعر، و بتقلل من القشرة و بتساعد الشعر يحتفظ بلمعته و حيويته الطبيعية.

جربي تستخدمي جل آلو فيرا من النبتة طازة مع عصير ليمون و سيبيه 20 دقيقة و بعدين اغسلي بشامبو. جربي الموضوع ده مرة كل اسبوع او اسبوعين.

ممكن كمان تجربي تزودي جل الآلو فيرا مع كمية متساوية من حليب جوز الهند و زيت جنين القمح ( مفيد جدا جدا للشعر !!) و استخدميه على شعرك.