مطبخ شبكه اخبار مصر يقدم لكم  طريقة_الكحك مع  التكات اللى تطلعه مظبوط

مطبخ شبكه اخبار مصر يقدم لكم 

طريقة_الكحك مع  التكات اللى تطلعه مظبوط 

متابعه علي العشري رحاب الدسوقي 

نيجى لاول نقطة ليه كحك على البارد الكحك على البارد خفيف جدا على المعدة وسهل وونفس كحك الحلوانى 

طب ازاى يبقى دايب وناعم وفى نفس الوقت الكحكاية ماسكة نفسها ازاى مينفش فى الفرن ازاى العجين ميشققش ازاى الكحك المحشي مينفجرش فى الفرن ويطلع زى ما دخل

تعالوا اقولكم

#اولا كده الكحك مش بيخمر الكحك بيتشكل على طول وصاج يدخل الفرن والباقى على التلاجة عشان ميخمرش وكل ما تسوى واحد التانى يدخل

#الكحك يعنى سمنة بلدى نضيفة أو سمنة ميكس بين البلدى والنباتى زى جولدن ميكس

#الكحك يعنى نوع دقيق نضيف زى سنبلة الفرات أو الكوثر أو بيكى بيكر مش سايب يعنى دقيق مخصص للكيك والبسكوت يكون دقيق ضعيف مش بيعمل عرق 

طب مش بنزود سوائل مش بنزود سوائل تانى مش بنزود سوايل بنلم العجين بنصف كوب ماية للكيلو ولو حابينه مش ناعم اوى أو متماسك شوية يبقى كوب الا ربع لكوب مش اكتر أقصى كمية ماية تتحط هى ٢٠٠ ملى

#الكحك مش بيتعجن الكحك بيتبث الدقيق مع السمنة وعلى مهلك اوى فى المرحله دى خدى وقتك لو عاوزة كحك صح يبقى متستعجليش لو مفيش عجان أو مضرب يبقى بين كفين اديكى وعيشى

اول ما نضيف السوائل نلم العجين بس ليس إلا مش بنعجن مش بنعجن تانى بنلم لحد ما الماية تختفى وشكرا

بتضربي السمنه الاول وهي بارده وتخلي قوامها يهيش ويفتح لونها وممكن بالمضرب اليدوى طبعا بس شدى حيلك عليها شوية

 متعجنيش الكحك بلبن بيقصر عمره اعجنيه بمايه افضل كتير السوائل بصفه عامه هي اللي بتتحكم في دوبان الكحك قللتي سوايل الكحك دايب كترتي سوايل الكحك هينشف منك

البيكنج بودر بنستخدم ربع ملعقه لو زودى النقشة هتروح وهيفرش منك فى الفرن الخميرة نفس المقدار 

 تسوية الكحك على ١٨٠ درجه رف اوسط عشان يستوي علي مهله من جوه بنتابعه لحد ما ياخد لون من تحت وشكرا

الكحك المحشى على ٢٠٠ الرف اللى فى النص عشان الحشو ميغليش جواه وينفجر 

طب

 #المقادير

كيلو دقيق 

٥٥٠ جرام سمنة

٣ معالق سكر بودر

٣معالق سمسم محمص

رشة ملح

ربع معلقة صغيرة بيكنج بودر

ربع ملعقه صغيره خميرة

نصف كوب ماء دافئ

ريحة كحك اختيارى

الطريقه

بنضرب السمنة الاول لحد ما اللون يفتح جدا وقوامها يعيش

ننزل بكل المقادير الجافة وهاتك يا بث بالايد بالعجان بالمتاح عندنا ناخد وقتنا اوى لحد ما الدقيق يتشرب السمنة ويبقى العجين أشبه بعجين البيتيفور والبسكوت

بعد كده ننزل بالماية ونلم العجينة بس مش بنعجن لحد ما الماية تختفى

نختبر العجين وناخد قطعه وبالبصامة لو مشققتش نشتغل على طول ولو مشيتوا على الخطوات دى استحاله تشقق

طب لو شققت نشتغل برضوا بس كل قطعه عجين ناخدها بكورها بين ادينا لحد ما قوامها يظبط يعنى نحنن قطعه قطعه من العجين

يارب اكون وصلت المعلومة وفدتكم اتمنى الطريقة تعجبكم وبالهنا والشفاعالم ام نور