بقلم الشاعرة والقاصه /نادية البديوي
………
العواف عليكى يا خاله اشجان
رجعتي ونورتى الدكان
عايزه بقي منك
ب جنيه حنان وب 2 امااان
وب 3 راحه بااال
وب 4 صبر الجبااال….
وب 5 ضمير انسان
ااااااااااه كان على عيني
خلصوا يا بنتى من زمااان
و نزل بدلهم تشكيله جنان
ماليين السوق وفي كل مكان
تشكيله جنان؟ وايه انواعهم ؟
يا خاله اشجان
فيه يا بنتى نوع اسمه
غدر… الحبايب والخلان
وفيه حزن …على الماضى والايام
وفي قله اصل… وخيانه ع كل الالوان
وفي موضه عجيبه تركيبه
من كذب ومكر ولف ودوران
وحيل يحتاااار فيها الشيطان
روحي وتعالي بعد يومين هتلاقي
الدكان ملياااان……..
جرى لك ايه….. يا خاله اشجان ؟
انا كنت عايزه ب جنيه حنان
وب 2 امان
وراحه بال وصبر الجبال وضمير انسان
اعملك ايه بس يا بنتى مانتى اللى
غلطتى في العنوان وجيتي في زمان
….غير الزمان…….
سك على المطلوب يا خاله اشجان
ياريتك ما رجعتي الدكان
ولا فوقتيني من الاوهاااام
ولا فوقتيني من الاوهام
…………………..
شاعرة الكرااامه
