كيفية تصنيع الدواء دون براءة تصنيع
د / احمد ناصف
فرايبورج المانيا
ازاي ممكن تصنع دواء من غير الحصول ع براءه التصنيع
انت ممكن تخترع دواء للسرطان ولكن متعرفش تاخد عليه موافقة !!
لأن في حاجة اسمها حركة الدواء Pharmacokinetics
اللى هو الدواء لما يدخل داخل الجسم هيحصل له ايه ؟
امتصاص
توزيع داخل الجسم والانسجة
عمليات أيض الدواء من تكسير او تفعيل
خروج الدواء
لو الإختراع بتاعك مثلا عبارة عن حقن جزيئات معينة لعلاج السرطان
والدواء دا انت مش عارف هيخرج ازاى من الجسم
هنا ممكن مش تاخد موافقة — ودا قصة حقيقية لأحد العلماء
اوقات لما تاخد حقنة عضل
وغالبا بيحصل ما تكون الحقنة زيت
بتكلكع وممكن تفضل فترة كبيرة مكلكعة كدا فى العضلة
الزيوت لما تتحقن فى العضلة صعب جدا الجسم يتعامل معاها
والجسم بيستغرق وقت كبير للتخلص منها
هنا جت فكرة هو انا ليه اروح الجيم لما ممكن احقن فى العضلة زيت
وبالفعل دى ظاهرة منتشرة جدا لشباب حابب يكبر عضلات معينة فى جسمة خاصة الذراع (الباي) وهى الأكثر ظهوراً ليوهم الناس بإنه بطل خارق !!
حقن العضلة بالزيوت امر خطير جدا لان انسجة العضلات بيحصل لها تهتك وتعمل الورم اللى احنا بنشوفة ومنظر مشوه للجسم.
ومتوفر منتجات جاهزة زى براند Synthol (سينثول) اللى بيتكون من زيوت تحتفظ داخل العضلة لسنوات
العضلة المحقونة بالزيت هى عضلة مشوهة
لا يوجد بها انقباض او انبساط يعنى الحجم ثابت فى كل الاوضاع
مجرد شايل زجاجتين زيت فى ايدة
لا علاقة لها بالقوة،
وعرضه للعدوي بشكل خطير وصعب ترجع لحالتها الطبيعية.
الخلاصة
اى عضلة عشان اكبرها
انا محتاج ازود
حجم الخلايا العضلية
ازود عددها
ودا بيحصل من
المجهود المبزول على العضلة زى انى اشيل حديد كل يوم
والعكس لما يحصل شلل العضلات يحصل لها ضمور
ولكن دا هيكون لحجم معين
انا محتاج حجم اكبر فى وقت اسرع
هنا بعض لاعبي كمال الأجسام بيستعينوا ببعض الهرمونات اللى بتدخل فى بناء الجسم
الأول هو هرمون النمو Growth Hormone او ما يعرف GH
وهو المسؤول عن زيادة حجم وعدد الخلايا اللى بيتبذل عليها مجهود
الهرمون الثاني هو مشتقات هرمون الذكورة Testosterone
وحدة بناء العضلة هنا البروتين كدا الجسم هيحتاج
بروتين وهنا بياخدوا البروتين المستخلص مع الهرمونات مع التمارين وهنا بيحصل على نتائج عظيمة
مخاطر هذة الهرمونات فى حالة الإفراط منها او تناولها بدون حكمها او إشراب
اولاً هرمون النمو مش بس هيكبر العضلات
كمان هيكبر اعضاء شغالة على مدار الوقت زى القلب والكبد والطحال الخ الخ يعنى الاعضاء الداخلية بيحصل لها تضخم وممكن يحصل لها فشل
ثانياً هرمون الذكورة طالما بيتم حقنة من الخارج بيأثر على الإفراز الطبيعي له من الخصية اللى ممكن يسبب كسل فى الخصية او ضمور فيها لانها فقدد القدرة على العمل ودا بسبب تثبيط هرمون LH من الغدة النخامية .. مع العلم انهم بيشموا على كروسات تنظيف PCT ولكن تبقى الخطورة عالية.
