قصيدة بعنوان مجروح

بقلم الشاعر محمد سعدون

مجروح يا قلبي وبتعاني و مين يداويك

انت العاشق يا قلبي و حبيبك بيجرح فيك

لا يوم قرب وجالك. ولا لحظه فكر فيك

سابك لوحدك بتبكي والدمع مالي عنيك

ارحل يا قلبي. من. دنيا الغدر ماليها

سيبك منها ومن. الي ساكن فيها

وعيش حياتك يا قلبي وافرح بيها

وانسى الي باعك في يوموالي جرح فيك

ارقص يا قلبي وغني على انغامك

افرح يا قلبي وعيش عمرك وايامك

داوي جرحك بايدك واشفي. الامك

وعيش الحظه الجميله بكره مستنيك

ازرع كل يوم ورد. وفل وياسمين

أروى بغرامك حب وشوق وحنين

بكره احلى اكيد بالحب فيه عيشين

خلاص. الجاي. أجمل. يفرح معاك وبيك