جهاد صبري تكتب ..إنفجا_ر محتوي فارغ

جهاد صبري تكتب ..إنفجا_ر محتوي فارغ

(حصل النهارده ومش هقول اسباب )، تداول الجملة دي بقت مشهوره أكثر من الحياة والموت بتنعاد بشكل جنوني جوه سوق الترند ما كله بقا تايه ،مجتمع تاني وناس خيبتها بقت خيبه تايهين اجسدهم بتتحرك والعقل مغيب تحت تأثير العقار الاصعب علي الاطلاق قدامه بتفشل كل محاولات الوعي وكله بقا جوه ملعب مخيف جوه منه تسعيرة لأي حاجة وكل حاجة هقدمها هاخد قصدها كام مش مهم هعمل ايه أو هبان ازاي حيائنا ماشي اجسدنا ماشي مشاعرنا عادي زعلنا ممكن ،في النهايه كله ادفع ادفع! مش مهم نغير عاداتنا بعادات جديده والقديمه سيبناها والعقول نامت الحياء مكانه بقا علني وأغلب البيوت انفضح سترها وحيطانها بقوا خمسه ،مابقناش نستغرب من وجود ضيفنا الجديد كاميرة موبايل من حديد ماشيه تدمر في الثقافه وفي الشباب والمخيف ان واحده شيطانها جابها تسيطر علي نفسها وتعرض وجه وأهات من أنجبتها علي هذه الشاشة المشوشة حقا والمصيبه انها عادي عرضت علينا أخر لحظات في عمر انسانه وماهماش حياء ولا حتي تعظيم أو رهبت الخوف من الموت وشوفنها وهي تحتضر انتو متخيلين كم الخوف الي في الموضوع وثارت الناس قصاد الفديو شويه دخلوا فيها ذم وسخريه وغيرهم طالع يقول حرام حابه توثق الحدث الي مش هيتكرر معاها تاني.

لحظات وفاة حقيقة من دون مونتاج بوجعها وخوفها متخيلين مفعول العقار الملعون الموجود جوه كل محتوي فارغ

هقول ايه بقلمي البسيط غير حسبي الله ونعم الوكيل في كل الي خان والي باع والي تاجر بالشرف وأزال حجاب العفة والستر ،الغلط ده بدايته كانت هنا بدايته جوه بيت عتمه نسى يشيع رغبات سكانه من الحنان والاهتمام والمشاعر والمحبه والمطالب الاساسيه فطبيعي نتيجته تكون سواد وجيل من جوه كله فاضي عديم الدين والمبادئ وفي قاموسه المستحب مايعرفش يعني ايه أخلاق،بطلوا متاجرة بعيالكم وحياتكم ارجعوا الي الله قبل ما تلاقي .

الآية دي وقتها فات وتتمنى ترجع تاني بس خلص كل الوقت قال تعالي”أَن تَقُولَ نَفْسٌ يَا حَسْرَتَا عَلَىٰ مَا فَرَّطتُ في جَنبِ اللَّهِ وَإِن كُنتُ لَمِنَ السَّاخِرِين”

للي مش مدرك ده تحذير من رب العباد لكل حد متمادي في الغفلة،بيوضحلك ان لا مالك ولا سخريتك ولاشهرتك هتنفعك ووقت ماتحب تاخد فرصة للرجوع هتلاقي جوه المحتوي الفارغ انطبع جملة “لقد نفذ رصيدك”