ونسينا الفرحة بقلم جمال القاضي نسينا زمان وهناك الفرحة ومابين احباب واخوات وجيران نسينا اللمه وقسم اللقمه سهرة جميلة وعيشناها زمان وأفراح للصبح هناك تجمعنا وكانت تعلى مابينا الضحكه تعالوا معاي نشوف بالصورة مشهد مشهد صورناه بكاميرا جميله واسمها كان كاميرا زمان أو كاميرا الذكرى مشاهد حلوه وثقناها من جوه ديار وحواري القرية وجمعناها مابين لقطه ولقطه وكان الجمع ف أي مناسبه تشوفه صراحه بمحض الصدفه بلمه جميلة تبين فيها معنى الأصل ومعنى العشرة أول صورة للست عديله وبصوتها تنادي ع كل العيله وللكل تقول يلاتعالوا بوسط الدار يلا بسرعه علشان نتعشى وقبل ماتاكل تقسم لقمه مابين أولادها وكل جيرانها وكل ماكان أو كان بالطبخه اما الزوج كان يطلع بره ويقول ياأولادي ثواني أنادي اخويا محمد وكل اولاده ساميه وناديه وهادي ونادي وانت ياام اولادي روحي ونادي ع أخويا التاني وقولي معانا اتعشى ياعبد الهادي ومشهد تاني لما يهل هلال رمضان وساعة المغرب بشهر صيام وقبل ثوان آذان لفطار على ناصية بيته عم خليل كوباية ميه بأيد والتانيه حتة تمره ورايح جاي يفطر أي مرور بالشارع أو حتى كان بيمر هناك بالصدفة ومشهد تالت كان للست دليله وصراحه دي ست أصيله جايبه ولاد الاخت بوسط العيله وزوجها يطبط فوق راس الكل ويقول قسمي خديه ياجميله للبنت دلال علشان العشره واهتمي باكل ولاد الاخت دول برضه عيال وايتام ووقت العيد مااحلاها الفرحه الكل يسلم وبقلبه الصافي يلف يعيد على اهل القرية والأطفال بتغني مع صوت الغنوه في المذياع وال كلامها كان بيقول اهلا بالعيد العيد فرحه وأحلى سلام كان طالع منهم ويطلع عم محمد ويمسك فيهم ويقول للكل يلا تعالوا ندخل جوه مايصحش يبقى سلام من بره لازم نشرب شاي أو نشرب حاجه وتاكلوا كمان من كعك العيد آو لحمه شهيه مطبوخه لعيد الأضحى يلا نشد ستاير لنهاية المشهد ونصفق فيه لأحلى أيام راحت فعلا والاشخاص اليوم غير البارح حتى المشهد فاضي ولافيه الحلو يكون من بره وجوه ونسينا الفرحه واللمه الحلوه
