ماشيه القلوب بالمقلوب
الشاعره وفاء يوسف
مهرجان ،،،،،،،،
فيه القلوب الوان
العدل منها تاه
ماشية و بالمقلوب
حسبتها دايما غلط
كل القلوب معكوسة
ماشية لورا و قدام
توصل لحافة كورة
و يدوب مرها في فنجان
ناسية إن مفيش راحة
و ان الدنيا مجروحة
و لا في يوم عمرها هتبان
دا الأرض مبتورة
بتلف مهما تلف
مرجوعها للبدايات
قوة من بعد ضعف
و الرك ع النهايات
لكن في الأساس اسعى
و اخرج من القوقعة
إختار الطريق الصح
و ارمي الحمول ع المولى
هييجي يوم تنجح
و ان يوم الفشل زحلقك
و اتألمت م الوقعة
إسند عليه و ابدأ
دا العيب اني أستسلم
ما يكونش لي في الحياة مبدأ
وفاء يوسف 2/7/2023
