همم عالية شبكه اخبار مصر

همم عالية شبكه اخبار مصر 

كتبت عاليه الشيمي 

من الذوقيات اللي أغلبنا بيفتقدها بجد :

*اما تروح لحد و يفتحلك باب الشقه “ياريت تقف علي جنب بلاش في وش الباب و تجرح عورات البيت او لو ف حاجه مش حابين تشوفها”

*اما تكون عند حد و يفتح قدامك دولاب او درفة “بلاش تبص جواها فيه إيه حاول تغض الطرف .. يمكن متبهدلة او مش حابب تشوف خصوصيات”

*لو واقف مع حد ف المطبخ و فتح قدامك تلاجة او فريزر أو ديب فريزر .. “مش من الذوق تمد عينك و عينك تلف ف البتاع كله و تشوف عندها ايه و معندهاش ايه”

*أما تزور حد ف بيته عموما بذات لو أول مرة “بلاش تفضل عينك تقعد تبص يمين و شمال و فوق و تحت “

*حاول ديما اما تشوف حاجه تعجبك تقول “اللهم بارك”

*لو رحت عند حد و لاحظت انه جاب حاجه جديدة “مش لازم تقعد تسأله جبته امته و فين و بكام و أزاي” بذات لو مش هتستفاد حاجه و مش بينكم اصلا عشم 

*لو قاعد جنب حد و بيكلم شات .. متمدش عينك تشوف بيقول ايه و بيكلموا ف ايه؟؟

*اما حد يوريك صورة ..”متقلبهاش للي قبلها او بعدها الا لو هو أذن لك .. يمكن ف صورة مش حابب تشوفها”

*متفتحيش شنطة صاحبتك أو قريبتك و تشوفي فيها إيه بدون إذنها. .

*متمسكش موبايل حد بدون إذن و تفتحه “مش سايبه هي” 

*بجد يا جماعه الذوقيات دي مهمه جداا لازم نخلي بالنا منها 

*خليك زي النسمه اما تروح لحد .. يحب قعدتك .. ميحسش أنك بتحسب عليه كل حاجه … وواخد بالك من كل حاجه .. خليك عفيف .. رقيق .. سهل .. لين .. الناس تحبك .. ومتستتقلش زيارتك