أدب وشعر

مش واحدة….. انا شبكه اخبار مصر

مش واحدة….. انا شبكه اخبار مصر 
شعر/ جيهان النجار
انا مش قصيدة 
بتنكتب وبتنقري
 وبس وخلاص

 

 

inbound1119640648885063431

 

انا سادس الخمس الحواس
انا حد لما يفككوه 
يطلع بناس
بكتير قوي
يطلع مقاس الحب عرض الجدعنة 
طول الوفا
مش واحدة انا 
انا كون وقلبه 
مااكتفى 
من عاشقين
انا أول الحزن النبيل
انا آخر الصبر الجميل
انا نيل بيروي 
حلم مصر وأهلها
وبامثل الناس كلها
انا عضو مجلس 
حضرته
وعندي حصانة 
بنظرته
انا دايرة الشوق 
الحلال
انا بنت خال الحب وحياة النبي
فاهمة يا دنيا…. بتكتبي؟ 
إتكي جامد 
ع الحروف
اوعي تسيبي أي معنى للظروف
اتأدبي
انا مش قصيدة 
وفكرة وشوية حروف
انا نصي خوف
أما اللي باقي مذهبي
فقه الأمل 
وشويتين نور محتمل
انا وردة شوكها 
من رضا….
وحبة ندا
ونهار جديد الله أعلم باللي فيه
انا حاجة حلوة 
وربنا
انا معني حلو… 
الله عليه……

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock