أنا لسه بفرح شبكه اخبار مصر
بقلم فتحي نجم
بيضفر فرحه من كبد الحاره
وبكون الحارس وبهمه
ولأي عيال عماله تولع بالكبريت
أنا لسه الواد ال بيجمع
م اللمه شيلان
ويغطي الروح البردانه
وبكل أمان
ويعلم في عيال الحته
خمسه ف سته بالمجان
أنا لسه الواد اللي بظأطط
لما الدنيا تمطر زي زمان
وافرح جداً لما يلفوا
وحوي ياحوي بفانوس رمضان
وارقص لما العم نبيل
يرفع إيده ف كل آدان
أنا لسه الواد المتعشم
في نجوم الليل
بلضم فوانسها بحوارينا
وبعد خيوط السما وافتل قناديل
وبضم السبل المتبعتر واقراه ترتيل
أنا حجر الزاويه
ف كل ملف وحوادايه
أنا أصل ومعني وبصد وجعنا
بقراءة آيه
أنا سجر التين الطارح
والبلح المالي الوسعايه
أنا حرف وواقف ع القمه
مليان ذمه وعندي أماره
أنا جزء كبير
من أي قصيده أو أوبريت
بقلم/فتحى نجم
مارس 2023
زر الذهاب إلى الأعلى error: Content is protected !!