أمير شبكه اخبار مصر
الشاعر محمد حسن
بسم اللي خالق فينا رحمته وصبره
ببدأ كلام قلبي وأبخر السيرة
بسم اللي فارد ع القلوب جبره
ببعت سلامي للي خاطف لهفتي ف قبره
وأبعت معاه الوحده والحيرة
وأبعت دعاء مع كل تكبيره
سنتين بُكانا علي اللي راح
والقلب من حزنه إتخلع
والفرقة تتوزع جراح
طول ليلنا تايهين ف الوجع
شادين لروحنا المشنقة
كان بيتنا معروف بالبراح
بعد اللي كان بيننا وراح
كل الأماكن ضيقة
مكتوب علينا الدايرة دايرة تدور
والعتمة لون روحنا
ببعت سلامي مع الصبايا الحور
وأستني لو روحنا
الحزن كافي يشيل جبال وبحور
زادت أوي جروحنا
نفرد جناح نلاقيه خلاص مكسور
والحزن طوحنا
بسم اللي حول ضعفنا لقوة
بسم اللي قادر يمحي فينا الخوف
يهديني كل الصبر من جوا
كل الخلايق فينا بس تشوف
معني الصمود والصبر والقوة
#محمد_أبوالحسن
