كل يوم وياك حوار

كل يوم وياك حوار ،،

عبير طلعت 

حبيبى
طول ما إيدي ف حضن إيدك
ح وصل البر بأمان
قالوا روحك شكل روحي

يوم ماشفتك من زمان
عمر ما الخوف زار قلوبنا والاختلاف بيزول أوام
م اللي بينا أكبر كتير
م المستحيل والكون كمان

كل يوم وياك حوار
ممزوج بشوق ما بينتهيش
كل شيئ ممتع معاك
والقلب قال زيك مافيش
لسه فاكره اما اتقبلنا
وشوفت ف عنيك الهيام
قلت يومها ان انتي أهلى
وكل ناسي ومتخافيش
جيت فدبيت الحياه
ف الأمنيات واللي اتنسى
ما انت نعمه م الإله
عوضني بيك عن الأسى
كل لحظه بتثبت انك
أهل للشوق والغرام
ف الحياة أستاذ
وف الحب انت أكبر مدرسه