قصيده ل الشاعره الجميله وفاء يوسف
يا حاسدين الدموع ع الضحكة
لو تعرفوا اللي جرالي
من يوم ما صابني سهمكم
و اتقلب حالي
أنا كان زماني صبي
والضحكة موالي
الروح عفية طيبة
و الرضا عزي و راس مالي
الخطوة مني عجب
يحكي الطريق عنها
هربت مني ضحكتي
ما فضلش شئ منها
غير روح صايبها العطب
و شوية دموع معجونه بشوية ألم
و زلزال م الوجع
بيشق في جبينها
و لساكوا حاسدينها
مستكترين حتى الرضا
و إن شفتوا بحر دموع بيجري
و يشق الجدع
ب تقولوا و انا مالي
يا حاسدين الدموع ع الضحكة
خليكم هنا في حالكم
و خلوني هنا في حالي
وفاء يوسف 9/2/2023
error: Content is protected !!
