من ضلع آدم خلقت حواشبكه اخبار مصر

من ضلع آدم خلقت حواشبكه اخبار مصر 

الشاعره وفاء يوسف 

يا خالق الكون م العدم
سبحانك يا رب الكون
من ضلع آدم خلقت حوا
و من أديم الأرض آدم
ل قدرتك سجدت

كل الملايكة و سبحت
إلا الشيطان اتغر و اتكبر
و قال : إن أنا أكبر
مخلوق أنا م النار
و آدم من حمأ مسنون
ف ازاي انا اسجد له
و ابقى مهان و حقير
من حقدوا وسوس لهم
بالأكل م الشجرة
و ان الحياة هتطيب
و يعيشوا في الجنة متمتعين أمراه
وسواسو كان جبار
خلاهم عصوا ربنا و بانت العورة
ف اتغطوا بالأوراق
و استغفروا الخلاق
إلاه أبى و أقسم
إنه هيغويهم بالقوة و العافية
إلا اللي إيمانه قوي
مخلص تقي و أمين
نزلوا التلاته سوا و اتشتتوا في الأرض
حرب و ما بينهم دارت
من يومها ل يوم العرض
و يا سعده يا فرحته
ب اصحابه و ذريته
لو فرقوا ب خبثهم
في الدنيا ما بين زوجين
أو قطعوا حبال المودة
الموصولة بين أخين
لما القلوب تاكل لحمها
و تمشي بالنميمة بين الناس
لما العقول بالوحل تسكر
و الخطى تتكسر و الضمير الحي يبقى مداس
لما يتبنى للحرام قلعة و للحلال مجزر
ف يا رب اكفينا شره
و احمينا من نفسنا
و احشرنا يا ربنا
في زمرة المساكين
وفاء يوسف 10/2/2023