محدش حبك قدى شبكه اخبار مصر
الشاعرة ،، ماجدة ياسين
يا حبيبى يا أغلى ما عندى ..
محدش حيحبك قدى
و لا حتشوف الراحة فى بعدى ..
و لا فى حد يصونك بعدى
اهجر و اجرح و انسى و بيع ..
هيم فى الدنيا الواسعة و ضيع
أنا عارفة انك من غيرى
مش حتشوف الدنيا ربيع
و أنا اسمك حأمحيه من قلبى ..
جايز فى يوم انسى
أنسى سنين شوقى و حبى ..
انسى يوم ما همست لى همسة
أنسى كلمة بحبك و معاها أحلى لمسة
لكن لاء ..مقدرش أنساك و انت فى دمى
شايل فرحى و جرحى و ألمى ..
شايل عنى عذاب الدنيا
و أقرب من أبويا و أمى
ياللى حتفضل دايما غالى ..
شاغل قلبى و شاغل بالى
ارجع ياللا حبيبى قوام
نخطف م الدنيا أحلى ليالى
