حوار مع الاعلامية / ايناس انس
اجري الحوار / محموددرويش
إعلامية متألقة تتمتع بالجمال والذكاء وتمتاز بالهدوء الشديد، حلمت منذ الصغر بأن تكون إعلامية ومذيعة، وقادتها الأقدار لتحقيق هذا الحلم بالعمل في العديد من القنوات الفضائية فنجحت وحققت إطلالة إعلامية مميزة… إنها الاعلامية ” ايناس انس “، التي تحدثت في هذا الحوار عن رحلتها مع الإعلام من الهواية إلى الاحتراف… تابعوا معنا:
1- في البدايه كيف تقدم ” ايناس انس” نفسها للقارئ؟
-اقدم نفسي ايناس أنس عملت مراسله لفترات طويله من بداية عملي واحب جدا عمل المراسل وبستمتع بيه ومؤخرا مذيعه في برامج الديجيتال في اكسترا نيوز مواليد الكويت وخريجة كلية الآداب جامعة القاهره لان مجموعي مجبش اعلام الكليه اللي كان نفسي فيها
لكن عملت وانا في الجامعه في برنامج البيت بيتك وبدأت أحقق أمنيتي اني ادخل المجال الإعلامي
2- هل ترين أن المذيع يجب أن يكون شاملا ويقدم في كل المجالات أم الأفضل له التخصص في مجال واحد؟
–
– شايفه ان المذيع لازم يكون مثقف في كل المجالات عشان لما يكون أدام اي حدث يعرف يتكلم فيه سواء اقتصادي او سياسي او فني
وانه يكون بيتقن لغات اخري غير العربيه
وتخصصه في اكتر من مجال بيثقله
3- ما هي المدرسة الإعلامية التي تفضلينها؟
–
-المدرسه الاعلاميه اللي بفضلها دقة الخبر اهم من سرعته يعني اننا نتحري الدقه افضل بكتير من اننا نكون أول من أطلق الخبر لان المصداقيه بتزيد الثقه والاحترام مابين القاريء واي مؤسسه اعلاميه
4- من أبرز الضيوف الذين تأثرتين بهم خلال عملك؟
-ابرز الضيوف اللي اتاثرت بيهم خلال عملي المهندس إبراهيم محلب عملت معاه اكثر من لقاء وهو مسؤل عن المقاولون العرب وعندما دخل العمل السياسي وزير ثم رئيس وزراء وفي كل لقاء معاه كنت بنبهر بعقلية الراجل ده و ذكائه وكفاءته وسرعته وانه عنده دايما حلول سريعه لاصعب المواقف
5- ما هي أصعب موقف تعرضين له خلال مشوارك الإعلامى؟
-أصعب موقف هما موقفين بصراحه مش حقدر انساهم اولا لما كنت بعمل تقرير عن الستات البلطجيات اللي بيتأجروا عشان يضربوا حد ودخلت هناك عند بيتهم وحرفيا مكناش حنطلع لأنهم كانوا اخدوا مننا الكاميرا والداخل عندهم مفقود حرفيا لكن الصدفه اني قابلت هناك واحده صورت معاها قبل كده ف سجن القناطر وعرفتني وساعدتني اني اكمل تصويري معاهم من غير ما حد يتعرض لنا
والموقف التاني تصوير تاني يوم من فض رابعه والحوارات مع السكان اللي كانوا بيحكوا الرعب اللي اتعرضوا له
6- ماذا عن ” الستات مبيعرفوش يكذبو “؟
-الستات مايعرفوش يكدبوا مرحله من حياتي كبيره من اول بداية قناة cbc ٢٠١١ وحتي ٢٠١٧ عملت فيه تقارير كتيره ومختلفه واتعرفت علي ناس كتيره من خلاله استاذ محمد هاني اداني فرصة اني اطلع هوا في فقرة خارجيه وده اداني ثقه كبيره في نفسي وف شغلي وحاولت اطور من نفسي لكن اخدت اجازة وضع ومعرفتش ارجع تاني بسهوله
7- أحك لنا عن نصيحة لا يمكن أن تنسيها وأثرت عليك وحرصت على تطبيقها خلال عملك؟
– نصيحة اني اكون ملتزمه باي عمل بعمله حتي لو صغير الالتزام بيضيف للعمل وبيكون واضح عليه ودايما احاول اطور من نفسي لان العجله سريعه اوي وكل ساعه في جديد واللي بيقف مبيلحقش وبيرجع ب ضهره
-اكتر حاجه نفسي فيها في حياتي العمليه اني اعمل برنامج اجتماعي مميز ومختلف هدفه انه يساعد ويكون مرجع ل كل طبقات المجتمع
وفي حياتي الشخصيه انا زوجه وام ونفسي اكون بقدم ل جوزي و ابني كل اللي بيدعمهم ومكنش مقصره فيه لاني مقتنعه ان الاولويه ليهم ف حياتي
9- بمن تأثّرت الإعلاميّة ايناس انس، من الإعلاميّين أو الإعلاميّات؟
– اتأثرت ب أوبرا وينفري من وانا صغيره وهي الشخصيه دي اللي حببتني ف الإعلام والتليفزيون والكاميرا
وستيف هارفي شخص مميز وصادق
والاعلاميه المصريه لاميس الحديدي
١٢- قناة cbc انا محظوظه بوجودي فيها من بداية انطلاقها وكان رئيسها الاستاذ محمد هاني اللي حط كل واحد ف مكانه الصح قناه اتولدت كبيره وانا فضلت موجوده فيها لحد ٢٠١٧ واخدت اجازه طويله شويتين تلاته لحد ما رجعت مره تانيه إكسترا نيوز تحت رئاسة الاستاذ احمد الطاهري وهو اللي حطني ع التراك للمره التانيه بعد ما كنت مش موجوده ع الساحه لفتره طويله
