وبمشى/ كتير/شبكه / اخبار مصر
الشاعر د احمد حمدينو
و بمشي كتير
يرافقني فـ مشيي الطير
يغنيلي بصوت مكتوم
ينوح اللحن من قلبه
ويجري الدمع فوق خده
ويبكي بكاه على حالي
بكى المكلوم
وفين نفسي؟
تسيبني وحيد فـ وسط الحزن متكمم
عنيا السوده مش شايفه
غير الأحزان بتتكلم
وبتنادي ندا المهموم
وصبر أيام ينساني
يعاتب قلبي من قلبه بصوت مكتوم
وفين أملي يخلصني؟
ينادي بقوة من قـبره
:غراب الهم يامعشش على سطحي
وسامم بالصراخ جرحي
ياقايد فكري من نارك ف عز النوم
ياصوت مبحوح
ياناضح دم متجلط ف وسط جروح
سكون الليل بيسمعني
بيملى م البكا بحره
ويشهد إني بدعليك
تموت مدبوح.
error: Content is protected !!
