رد اسرة الشيخ الشعراوي علي طارق الشناوي وانتقادات للشيخ الشعراوي
كتبت/ ناهد عطية
قالت اسرة الشعراوي ل طارق الشناوي هو أنت شوفت الشيخ عمل إيه علشان تنتقده، الذبابة فيها جناح شفاء وجناح مرض ده حديث عن الرسول.. الشيخ لما بيفسر أي حاجة بتكون من كتاب الله مش من دماغه.
وأضافت أسرة الشيخ الشعراوي في تصريحات أنت بتتكلم في إيه؟ اعرف دينك الأول واعرف الحديث علشان تعرف تتكلم.. أنت خليك في الفن خليك في الحاجات المحددة اللي أنت بتنتقدها وشوف الجونة والحاجات اللي بتشوفها متجيش جمب علماء الأزهر
.
وقالت زوجة محمد الشعراوي حفيد الشعراوي كل واحد عايز يعمل تريند يتكلم عن الشعراوي، وأي حد الأضواء راحت من عليه يجيب سيرته لأن الناس كلها بتحبه وبيدفعوا عنه.
وأشارت، إلى أن أسرة الراحل قررت تكليف المحامي سمير صبري برفع دعوى قضائية على الناقدة ماجدة خير الله، مثلما تقدموا ببلاغ ضد الناقد طارق الشناوي لإساءته للراحل أيضًا.
وقالت زوجة حفيد الشعراوي عن تصريحات ماجدة خير الله بشأن أنه كان يمتلك ثروة كبيرة وتاجر بالدين: الراحل معروف مصدر فلوسه وكان بيتقي الله، مشيرة إلى أن الراحل تنازل عن حقوقه في الإذاعة والتلفزيون لمصر، وبنى معهدًا دينيًّا ومسجدًا، وأنشأ جمعية خيرية في السيدة نفسية وبنى مستشفى، ومجمعًا خيريًّا.
وأضافت: الفلوس اللي عملها كرم من عند ربنا، متسائلة: هل هو جمع الفلوس دي من الحرام ولا المخدرات، ما في تراث الشيخ عبد الباسط وغيره بياخد فلوس من الكتب هل دول كمان تاجروا بالدين.
ماجدة خير الله تنتقد الشيخ الشعراوي
وكانت الناقدة ماجدة خير الله، كشفت رأيها في تقديم سيرة الشيخ الشعراوي على المسرح القومي، وقالت فيه ناس أكثر أهمية بكثير منه وقدموا للمجتمع أشياء مفيدة مثل يوسف إدريس ويحيى حقي، ليه نقدس الناس دي، مع إن فيه علماء ومفكرين وأدباء وأصحاب فكر ورجال وطنيين قدموا أرواحهم فداء للوطن، مصر مليانة على مدار تاريخها.
لم يفد المجتمع وليس رجلًا تنويريًا، مردفة: الشعراوي كان رافضًا للعلم، وعمل فتنة بين المسلم والمسيحي، وحقق ثروات مرعبة، فاللي عمله الشعراوي وغيره من بعض رجال الدين تجارة بالدين، مش ناس ضحوا لكنهم أخدوا مكانة أكتر من الأنبياء، ليه يقدسوا هذا الشحص وغيره كأنهم أنبياء ومتقدرش تتكلم كلمة عنه مهما كانت حقيقية أو موضوعية.
