بنت فارده أحلامها ع الاخر
الشاعر اللواء محمد هيكل
و كانت بنـت
دافيــه .. و دمهــا شربـات
و كانت بنت تســوى م البنـــات ألوفــات
و كانت فــــارده احلامهــــا على الآخــر
و كانت ورده إحساسهــــــا من الفاخـــر
دى كانت و انت لامحهــا : قمـر خجـلان
و كانت لما تسمعهـــــا تقـــــول : كـروان
و كان ليهـا حبيب عاشق حـرام يتســـاب
شايلها ف محفظة قلبه و عاملها حجـاب
و كان الكل يعمـل ليهـا …. ألـف حســاب
لكن دلوقتـي مش هيـه و مين خانهـــــا !؟
خلاص دبلـت و فضلـت بس أحـزانهــــا
خلاص راح اللـى كان م الكل حاضنهـــا
دا يادوب يجيلها
بس ف الأحـــلام ساعات
مبقاش في ليلها
غير دمــوع على ذكريات
مبقاش باقيلها … إلا تحزن ع اللي فات
حزينـه البنت لو سابهــا أبوهــا و مـــات
.
.
.
الشاعر اللواء محمد هيكل
