نشوي شطا
استشاري العلاقات الزوجية والأسرية د.عبدالله أحمد يحذر فرق كبير جدًا بين إنك تتنازل عن حاجة ممكن تتنازل عنها وأنت مش متضايق عشان تمشي الدنيا وبين إنك تكون دايمًا بتضحي بنفسك..
يؤكد د.عبدالله أحمد التنازل فكرته بتكون نابعة من إحساسك إنك مش لوحدك اللي كل مرة بتتنازل، مرة ليك ومرة عليك، بيكون عشان عندك إحساس بالمسؤولية تجاه حاجة معينة، وبيكون الطرفين بيسمعوا رأي بعض حتى لو مش دايمًا بيتفقوا في الآخر..
في التنازل، بيكون غالبًا احتياجات الطرفين ليها اعتبار.
ويضيف قائلا إنما التضحية عكس كده تمامًا..
بنكون شايفين ومصدقين إننا لازم نيجي على نفسنا عشان الطرف التاني يكون راضي، بنكون خايفين لو مضحيناش هنخسر الطرف التاني، وبيكون دايما في شخص هو اللي بيضحي كل مرة.. بيكون في شخص في العلاقة هو اللي مسيطر دايمًا والتاني آراءه مش مهمة.
ويشير استشاري العلاقات الزوجية إن إرضاء الناس دايمًا أو الـ “people pleasing” من أصعب العادات اللي ممكن تتغير عند أي شخص وده لإنها بتكون نتيجة تراكمات كتير بدأت من مرحلة الطفولة.
إنك تخلي سعادة الناس اللي حواليك أولوية في كل الأوقات مش تصرف سليم خصوصًا لو بتستنزف طاقتك عشان تعمل ده.
ويختتم د.عبدالله أحمد كلامه لو ملاحظ إنك دايمًا بتضحي في العلاقة، ممكن تراجع نفسك وتشوف لو محتاج لحد متخصص يفكر معاك إزاي تتعامل مع الطرف التاني من غير ما تكون دايمًا بتيجي على نفسك و يساعدك تعرف قيمة نفسك وتقدرها بدون ما تكون بتضطر ترضى الآخرين، وإزاي تخلي سعادتك الشخصية هي الأولوية.
error: Content is protected !!
