جيل قادم خارج عن السيطرة

كتب ،، علاء اسماعيل
من يتجاوز يتحاسب بقدر الخطأ، لأن بصراحه الوضع زاد عن حده….
ده مخطط لهدم التعليم
و كأن العيل نبي مرسل و لا منزه عن الخطأ، و هو المصدق فيما يحكيه خياله لولي الأمر….
أفيقوا قبل فوات الأوان مخطط لقتل هيبة المعلم و فقدانه الثقة بالعمليه التعليميه و بنفسه، و تخريب ماتبقي من التعليم و الذي بدأ هدمه بمسرحية مدرسة المشاغبين و تقليد الطلاب عادل امام و سعيد صالح و الوقت نمبر زفت و حمو بيكا و انتش و اجري و الترندات ، فأصبح كل الأولاد عاوزين يعملوا أي شغب و يصوروه و ينزلوه علشان يعملوا ترند ، و إحنا بقي تطلع عين اللي خلفونا و يشربها المدير و المشرفين و الإدارة و المديرية و الدنيا تقوم و تنقلب علشان البهوات عاوزين يجيبوا مشاهدات علي وقاحتهم ، لذلك أطالب بمصادرة أي تليفون محمول و عدم رده و تسليم الموبايلات للشرطة و تقنين ذلك الإجراء ، و اللي عاوز يطمن علي إبنه أو بنته يتصل بمدير المدرسة زي ما كنا بنعمل في السعودية أو يجيب له موبايل بدون كاميرا أبو زراير العادي
يا ريت حد يسمع و لو سمع يا تري هنلاقي إستجابة ؟!!!

عاوزين نلحق الجيل ده قبل الخروج عن السيطرة ، لأن الوضع هيكون بشع لو الجيل الحالي بالسلوكيات دي تولي أمر البلاد مستقبلاً هيبقي عليه العوض في البلد و اللي بيتعمل من مشاريع قومية رائدة بيعملها الرئيس و الدولة ، البهوات دول لن يأتمنوا عليه