رأفت عبد العال
شيء بيشدتي
شوق بيضمني
وحاجات كتير تايهه
بعيون النهار
صوتك معايا في رحلتي
همسك يونِّس وحدتي
والليل براح الليل براح
ياخدني في توهة سفر
ويضمني تصحى الجراح
ويدق على الوتر اللي ناح
فينك وفيني
لملميني م الضياع
ياعيون ومليانة سماح
فيهم حنين عمر السنين
لا فرقت ولا غربت فيا الحنين
ولمين هيطرح الربيع
وانتي اللي قلبك نور ونار
ياللي حروفي ترسمك
تكلميني اكلمك
صوتك معايا في غربتي
بيشدني ويلمني م الضياع
وازاي يكون بينا وداع
انا اللي عارف سكتك
وانا اللي حاضن نبضتك
لو يسألوني اوصفك
شمس النهار
طب ليه عملتي من حنيني
غيمة وأخدتي القرار
شبكة أخبار مصر ٢٠٢٢/١٠/١٤
