بقلم منال محمود قوره
أحب أقولك ان سعر البنزين زاد .وان زياده البترول في كل دول العالم أضعاف مصر
انا كمواطنين هنضايق من الزيادة دي ، أيًا كان بقى هي منطقية وليها أسباب ولا لأ
اكيد كلنا متضايقين صح انا مضايقه معاكم اهو .
بس لما اضايق وانا فاهم غير لما مبقاش فاهم فحد يضللني ويصب ضيقي ده على بلدي نفسها .
نفهم ايه اللي حصل ؟
اللي حصل حضرتك ان سعر برميل النفط كان ب ٦٠ دولار في الموازنة وبعدين هوب دبل كيك اتشقلط وصل ل١٢٠ دولار وعمال طالع نازل بين ال١٠٠و١٢٠ .
الفرق ال٦٠ دولار في البرميل ده مين اللي اتحمله حضرتك ؟
الدولة .
ايه ده يعني الزيادة ال٥٠ قرش دي مش هتعوض ال٦٠ دولار فرق في البرميل ؟
ولا هتعوض نصهم حتى وحياتك .. هي هتسند شوية بس إنما الدولة هي اللي بتتحمل الجزء الأكبر من الزيادة .
لأن لو سعرتلك البنزين عالمياً حضرتك تقريباً مش هتعرف تمون عربيتك .
اديك مثال عن سعر لتر البنزين في العالم عشان تتأكد ؟
بريطانيا ٢.٣ دولار يعني تقريباً ب٤٣ جنيه اللتر
امريكاااااا ١.٥ دولار
طب الامارات بلد الطاقة والبترول ؟ ١.٢٣ دولار
السعودية٦٠.٣ سنت
طب قطر يعني العز والنغنغة كلها ؟٥٠.٨ سنت
طب مصر اللي متجيش ربع الدول اللي فوق دي في انتاج الطاقة ؟ ٥١ سنت يعني نص دولار .
مصر مع كل الزيادات اللي مش عجبانا دي فهي الدولة رقم ١٣ في رخصصصصصصصصص البزنين
والدولة رقم ٧ في رخصصصصصصصص السولار
يعني لو دول العالم ١٩٥ فإحنا في ادامنا ١٨٢ دولة سعر البنزين فيهم أغلى مننا ، وفي ادمنا ١٨٨ دولة السولار فيهم اغلى مننا .
عشان تبقى فاهم الأرقام بس ومحدش يحسسك ان المشكلة عندنا بس .
كل الزيادات الأخيرة دي حصلت بسبب تبعات أزمة رو..سيا وأوكرا..نيا .
واحنا في مصر هنا عندنا لجنة تسعير كل ٣ شهور ، لما بتحصل زيادة عالمية بنضطر نزود ، وبالرغم من كده الدولة قعدت ٣٠ شهر محافظة على سعر السولار بالرغم ان كل دول العالم زودته لكن الدولة قالت نشيل الزيادة عشان أسعار السلع والنقل متزدش ، انما يبقى عندي في موازنتي البترول ب ٦٠ وألاقيه خبط في ١٢٠ يبقى لو مزودتش هفلس حضرتك ، واعتقد حضرتك متحبش بلدك ولا بيتك ميلاقوش فلوس يعيشوا بيها .
*ملحوظة مهمة .. اللي هيقول دخل الفرد هنا غير برة هقوله اتفضل روح جرب تعيش برة كده ووريني هتعيش ازاي بعد كل الزيادات دي .. وهقوله كمان ان مستوى دخل الفرد مزادش في أي دولة في العالم من ساعة كو.رونا ، بالرغم ان الأسعار كلها زادت ..في كل دول العالم أضعاف
وإليكم الصوره برفقه بالمنشور
ان شاء الله أزمة وهتعدي وبك هو الرزاق وهيرزقنا من حيث لا نحتسب ، بس لازم نبقى واعيين وفاهمين عشان محدش يستغل غضبنا غلط والخونه المشعللتيه بتوع الأكاذيب والفتن يعرفو ان الشعب واعى وفاهم رغم اننا لينا تخفظات على سليبات لكن كلنا ايد واحد ضد الخونه واعداء الوطن في ال اخل والخارج اللهم احفظ مصر وجيشها ورئيسها وشعبها ايد واحده تحيا مصر
