نجوم الفن ينعنون فتاة المنصوره

كتب الفنان ” مصطفي درويش ” عبر صفحته الشخصية ” ” فيس بوك ” قائلاً ” مصر كلها متقطعه من الحزن عليكي يا نيره ربنا يجعل دعاء الناس لاهلك بالصبر مجاب يارب”

وكتب أيضا ” نيره اشرف ضحيه مجتمع كله فساد ضحيه ان القدوه بقي البلطجي اللي بيشيل سكينه وهو رايح الجامعه ويتباهي ببلطجته لانها بقت موضه ضحيه ان البلطجي بقي هو اللي معاه فلوس وعربيات البنت دي ضحيه الصوره المشوهه اللي متصدره للمجتمع تحت كلمه الحريه ولسه ولسه اللي جاي اسوء

الله يرحمها ويصبر قلب امها وابوها”

وقال الفنان “دياب “عبر حسابه الشخصي على موقع التواصل الاجتماعي فيس بوك قائلاً ” إِنَّا لِلّهِ وَإِنَّـا إِلَيْهِ رَاجِعونَ ” ببالغ الآسى أنعي فتاة_حادث_المنصورة الأليم رحمة الله عليها والهم أهلها الصبر والسلوان، وأعتذر عن نزول الأغنية النهاردة حدادا عليها”

وعلق المطرب الشعبي ” عمر كمال ” علي صفحته الشخصية فيس بوك ” المطرب الشعبي عمر كمال عبر فيسبوك: البقاء لله .. ربنا يصبر أهلها ويحفظ بناتنا جميعا “

و قالت الفنانة ” مشوي مصطفى ” عبر موقع التواصل الاجتماعي فيس بوك قائلة ” فين الشهامة والرجولة فين جدعنتنا — ملامح وسمات الشخصية المصرية ضاعت — ليه الناس مالحقتش نيرة وهى بتجرى وتصرخ — احنا جرى لنا ايه ؟؟ — ربنا يرحمك يابنتى ويصبر اهلك “

وجاء تعليق المطرب احمد جمال ” اللي خد القرار انه يقتل البنت دي طالب جامعة يعني لا يتخطى ال ٢٢ سنه

بمنتهى الجرأه و السهولة خد قرار انه ينهي حياة شخص

فكر و دبر و حدد الميعاد اللي هينفذ فيه جريمته

الحقيقه انا مصدوم و حزين

ربنا يرحمك يا بنتي

و كلامي لأي شاب صغير الشهامة والرجولة يابني انك تخاف على اللي بتحبه وتحافظ عليه ولو مش عايزك في حياته خلاص شوف طريقك وابعد في هدوء من غير اذى

اتعلموا الرحمة و علموها لولادكم من دلوقتي قبل بكره”

ونشر الفنان”أحمد العوضي ” عبر فيسبوك