” الحياةُ لاتقف علي احتياج “

▪︎بقلم▪︎
سهير الديب
“إعداد وتنسيق”
أحمد الشاعر العقالي

▪︎حينما نظرت إلي طموحاتي المتعددة في شتي المجالان في السنوات المقبلة اكتشفت أن “الارتباط” ليس من ضمنهم ، فعلاً.. لما قعدت وفكرت مع نفسي كدة وحسبت ايه خططي للمستقبل

▪︎اكتشفت ان حاجات كتير نفسي اعملها، واحققها مش من ضمنها الزواج ولكن منها علي سبيل المثال وليس الحصر السفر.. نفسي اسافر اتفسح واشوف الدنيا واتعامل مع ثقافات متعدده وناس مختلفه في الفكر والضباع وفي المعيشة وفي التصرفات وفي تناولهم للموضوعات من كل مكان تكون مختلفة تماماً عن ثقافتنا المصريه ..

▪︎ نفسي برضو انزل اخدم في الشوارع.. في المجال التطوعي وازور دور الُمسنين بمختلف الأماكن بالمحافظات واقعد معاهم اتعلم منهم من غير كلام.. نفسي اسافر اخدم اللاجئين والمشردين من بلادهم..

▪︎اما عن المستوى الشخصي فنفسي اتعلم لغات كتير.. واقرأ كتب في كل المجالات.. ومختلف العلوم ونفسي كمان ادرس علم نفس وعلم اجتماع في الجامعات الأوربيه .. اما عن العلاقات فعندي من الاصدقاء والاحباء اللي يسندني في مسيرتي اكمل واكبر من غير خلل في نص السكة..
ولو جينا للنقطة الشائكة.. ايه هو معني حياتي والهدف الاسمى من وجودي..
أنا عايشة ليه يعني ؟!
فده الحقيقة لسا ماتحددش بالنسبالي 100% ،

▪︎يمكن فيه شوية خطوط خفيفة كدة اتحطوا، بس الحطوط والأفكار والطموحات النهائية ماوضحتش لسا، بس من المؤكد ان هدف حياتي مش مجرد اني اشتغل شغلانة حلوة واتجوز جوازه كويسه أكيد الموضوع مش بالسطحية دي..
وده اللي غالباً هاعرفه في الرحلة اللي هامشيها الكام سنة الجايين دول.. واللي مش شايفة فيها ارتباط ولا شريك لحد دلوقتي، واللي مبقتش شايله هم وجوده أو غيابه لكن الفكرة أن الحياة مابتقفش على احتياج، ولا بتبوظ من جوع.. بالعكس ده في الف طريقة تشبع بيها كيانك وروحك من قبل الارتباط و كمان تغيُّر وتطوُّر شخصيتي الكتير فده نعمة في حد ذاته حققو اهدافكم ومتوقفهاش علي حد انجحو وطورو من نفسكم