طريقه عمل القرص

مكتب الشرقيه

كيلو دقيق
اقل من نص كيلو (شيلى كوبايه الا ربع ) سمنه
كوبايه الاربع زيت
5معالق لبن بودره
4معالق سكر
معلقه ونص خميره فوريه
معلقه كبيره بيكنج بودر
من كوبايه إلى كوبايه ونص لبن رايب حسب نوع الدقيق
معلقه صغيره محلب
2معلقه سمسم حسب الرغبه

الطريقه
حطى الخميره مع ربع كوبايه لبن ومعلقه سكر وقلبيهم وسيبيهم على جنب يخمر
حطى المكونات الجافه على الدقيق وقلبيهم
حطى السمنه وقلبيها مع الدقيق
حطى اللبن الرايب واعجنى كويس اوى لغايه لما تديكى عجينه طريه مش بتشقق
غطيها وسببها على جنب تخمر
اعملى اقراص من العجينه بعد ما تخمر ورصيها فى الصينيه على مسافات متباعده
غطيها وسببها تخمر للمره التانيه
دخلها الفرن على درجه حراره180 لغايه لما تاخد لون دهبى
اول لما تخرج من الفرن غطيها بفوطه نضيفه وسببها تبرد
وبالف هنا وشفا ليكم يا رب