يمكن الموضوع دا بيشغل ناس كتير اووى وهو ……….التجاهل .

ندي حمدي
مكتب بني سويف

اللى هو انا ازاى الشخص دا يتجاهلنى يبقى هو عايز يطلعنى برا حياته ومش عايزنى و…. و…. و…..
لا هو مش معنى ان الشخص دا بيتجاهلنى فا يبقى مش بيحبنى وكدا.
لا طبعا!!!!
احيانا بيكون تجاهل الشخص للشخص التانى دا لانه بيحبه وخايف بعده فا لما يتجاهل الشخص دا هيخليه يكلمه ويشوفه ماله وليه تصرفه كدا وممكن كمان يكون شخصيته ضعيفه فا ميقدرش يواجه الشخص اللى قدامه بمشاعره فا اللى بيقدر يعمله بيتجاهله بس فى الحقيقه هو بيتمنى قربه فى كل لحظه وبتكون انت الاهم بالنسباله وحياته كلها واقفه عليك انت …….
واحيانا بيكون التجاهل دا ناتج عن مشاكل
يعنى اى ؟!
يعنى الشخص دا بيكون عنده مشاكله وحياته اللى مش عارف يتصرف فيها فا معندوش طاقه انه يهتم بحد او يكلمه او يعبرله عن اللى جواه وحاسه فا بيلجأ للتجاهل…
واحيانا تانيه بيكون التجاهل دا لسبب اللى هو بقا السبب السلبى بقا اللى كلنا بنتوقعه فى الاول من غير ما نحط نفسنا مكان الشخص التانى دا.
اللى هو اى السبب دا؟!
اللى هو بيقولك انت برا حياتى مش عايزك انت ابعد عنى بقا وكفايه كدا .
بس السبب دا
هنوصله ازاى؟!
بكثرة التراكمات اللى هتتكون عن الشخص دا بسبب تصرفات الشخص التانى اللى هو خلاص انا جبت اخرى منك ومن تصرفاتك اللى هو انت مش مقدرنى ولا بتعاملنى كويس يبقى لازم اتجاهلك لحد ما تطلع برا حياتى وارتاح منك ومن معاملتك..
الخلاصه….
مش لازم نتوقع السئ ديما لان محدش يعرف ظروف التانى ومحدش يعرف مكانته فى قلب التانى هو ممكن يعاملك بطريقه مش كويسه لانه عنده ضغوطات ومتعشم فيك وطلعها عليك خلينا نبقى كويسين وبلاش كل حاجه تحصل هاخدها بالمعنى الوحش..