( صوتك جنبي )

بقلمي جمال القاضي

أنا حاسس أنك
قريب مني وجنبي
وصوتك منه تنادي عليا
وتقولي بحبك
يمكن
من كتر أشواقي إليك
أو يمكن من طيفك ال
جوه خيالي ساكن
حاجه غريبه وشعور
فيه أفكاري
من كتر أشواقي
كل ماشوف
وجوه بتمر أمامي
أشوفك فيها
بنفس ملامحك
وأنادي عليهم
بإسمك إنت
بس أتحقق منهم
ألقى جمالهم
غير أوصافك
ال أعرفها
وال راسمها عقلي زمان
من أول مره
أنا شوفتك فيها
أرجع تاني وأنام
وفي نومي ألاقي
أنسام بتحوم حوليا
وفيها عطور أنفاسك
حتى الدفء
من لمس حنانك
أشعر بيه وكأني
تحت سحابه
وأنت الشمس
بترسل ليا حرارة
وأكمل حلمي
وأصحى الصبح
على همسة صوتك
بس المرة دي كانت
مش أحلام
حقيقه وواقع
فيه إحساس ملموس
من لمسه لإيدك
بتصحيني تقولي
أنا حاضره وجنبك
وألقى عيونك
مليانه دموع
وأقولك ليه الدمع
ترد تقولي
من أشواقي إليك
معرفتش أصبر لحظه
على غيابك عني
وقلبي دليلي
عرفني مكانك
ووصلت لعندك
بس رجائي
تيجي معايا
لمكان وبعيد
مافيه حساد
أو حد يغير
من حبي وحبك
خالي م الناس
ولاغيري وغيرك فيه
وفي وسط هدوء
نعيش الحب
بأجمل لحظه
ونرسم فيه على الرمله
لبكره حلم جميل
وأكتب بيني وبينك
عهد يكون موثوق
إنك تفضل جنبي
ولاتبعد عني
ولاأبعد عنك
دقيقه أو ثانية
وقربك ليا يكون
يبقى لآخر العمر

بقلمي جمال القاضي
جمهورية مصر العربية