الصحبة الحلوة

بقلم /أمينة عليوة
شبكة أخبار مصر

ياريت نختار الصحبة الحلوة (لاتصاحب إلا مؤمن ولا يأكل طعامك إلا تقى )
ياريت ذى مابنختار ملابسنا الأنيقة ،،اللى بنختارها بدقة وبكل تفاصيلها المناسبة شكلا وموضوعا ،، واللى لازم يكون مظهرنا فيها حلو ومريحة فى اللبس،،،وليس شرطا أن تكون باهظة الثمن أو من محل فخم ،البساطة وذوقنا فى إختيارها هوالمهم،،،،
كذلك الصحبة الحلوة نختار ونتعرف فيها على ناس شبهنا فى طباعنا،،وفى سلوكياتنا ومبادئنا وأخلاقنا،، ناس صحبتهم حلوة ، فى مشوار فى رحلة فى نادى ،مجالستهم، مفيدة،حوارتهم شيقة تتصف بالشفافية والمصداقية،، نستفيدفيها من تجربة، أو موقف ،حدث لاحدا منا، أستفاد فيها من نجاحها أو فشلها، موقف فكاهى حدث له،،
الصحبة الحلوة مع رحلة جميلة استمتعنا بها وتمنينا أن تتكرر ،، الصحبة الحلوة ،،فى زيارة لمريض مثلا ،،او زيارة لمجاملة جيران اوأصدقاء ،الصحبة فيها اكيد حلوة، كسبنا من وراها ود وحب وثواب ذى ماالرسول (عليه افضل الصلاة والسلام ) وصانا بها (تهادوا ،،تحابوا )،، نسميها صحبة الخير،،
الصحبة الحلوة، نتبادل فيها العلم والمعرفة والثقافة،،
الصحبة الحلوة اللى بنرجع فيها واحنا سعدا ومرتاحين نفسيا وراضين فيها عن نفسنا،، لاننا ماغلطناش وجرحنا فيها حد،او خضنا فى سيرته ،،
الصحبة الحلوة ،،نحكى فيها عن موقف يخصنا،،، موقف عن ولادنا مثلا،،حكاية فكاهية عنهم رحله حلوة عملوها،استفادوا منها،،، لمسة جمال عملتها ف بيتك ،، شئ نافع ننصح بعض بعمله بدون مانرتكب اى ذنب فى حق اى حد ،،
،،،لكن للاسف فيه صحبة،،كل همها ،معرفة أخبار الناس
والخوض فى سيرتهم واغتيابهم وإنك فيها بتصاحب شخص على حساب شخص آخر ،،والشاطر فيها اللى يجيب أحدث الأخبار،،بالافترى والنميمة والفتنة،،(والفتنة أشد من القتل )،،استمتعت فيها بأنك عرفت أخبار جديدة لم يسبق لأحد منهم معرفتها ،،فتنت بين اثنين ،،نجحت فى إنك فرقت بينهم وأصبح كل واحد فى طريق ،،،الصحبة دى كل شغلها الشاغل معرفة أخبار الناس والخوض فى سيرتهم ،والتأليف ونسج الخيال الواسع فى حكايتهم واللى معظمها ليس لها أى أساس من الصحة
الصحبة اللى بتسعد بمعرفة سلبيات الناس وفضائحم واللى اكيد مش الحقيقة،،ولكن الحبكة الفنية للرواية مع البهارات ،تخليها له طعم ومذاق ممتع لسماعها، الشيطان فيها له دور أساسى فى تفاصيلها ،، لانه بيألفها بإتقان يعجز الإنسان عن تأليفها،،عشان يغويك ويكسب إنك عصيت الله فى كده وتخسر إنت دينك ودنيتك،،
الصحبة اللى همها أنهم يتجمعوا على حساب ناس تانية وأخبار وكشف المستور والخوض فى خصوصيات الناس بسبب السمع وليس الرؤية (كل كلامهم عرفتوا أخر الأخبار ،،انا سمعت كذا وكذا،،وبيقولوا كذا مش كذا ،،الحقيقة كذا وليس كذا،،وكلها سمع،،وتنجيم وتخيل ،،وسيناريو من وحى الخيال ليس له أى أساس من الصحة،،) ياترى بعد كل ده بتكون مرتاح،إنك عرفت أخبار الناس وخصوصيتهم،،هل إنت تحب الناس تعرف عنك كده بالكدب والإفترى،،ولا دى حاجة ودى حاجة تانية،،الصحبة اللى انت فرد منها ذى مابتتكلموا فيها عن شخص،اكيد بتتكلموا عن بعض فى جلسات تانية،،(فكل ساقى يسقى بما سقى ) واللى بيتكلم ليك هيتكلم عليك وانت نفسك مادة خصبة للحكايات فى صحبة تانية،،
ياترى سألت نفسك مع أخر صحبتكو راجع مبسوط وسعيد إنك عرفت أخبار الناس وكشفت سترهم،،ياترى لو وقعت ف مشكلة ما، أو أبن عندك تعب،،او تعرضت لمحنة صعبة ،او إبتلاء ، أكيد وقتها هتلجأ لربنا ،يشيل عنك ، ويعدى المحنة أو الابتلاء على خير ،،إنما تفكر تلجأ لربنا وتستغفره فى ذنب أو إثم ارتكبتة فى حق غيرك مع الصحبة اللى مش حلوة ،، ،ولا دى نقرة ودى نقرة ،، ياترى لما أخر الليل بتنام بتكون مبسوط للى عملته ،،ولا جه على بالك حكاية تانية بتحضرها وتحبكها عشان تكون موضوع القعدة مع الصحبة اللى مش حلوة ،،واللى ماينفعش نسميها صحبة حلوة ،،سميها اى حاجة غير اسمها الجميل،،لو فكرت هتلاقى اسمها غير كده خالص ،،سميها مثلا صحبة شيطانية صحبة فساد ،،صحبة فاشلة ،،لان أفرادها صفاتهم كده والطيور على اشكالها تقع ،، ونصيحة إيمانية ،،خاف الله ،،وتأكد ،بأن من تتبع عورة مؤمن تتبع الله عورتة فى عقر دارة ،،
الصحبة الحلوة اسمها بيدل على صفاتها،،،