أدب وشعر
ميلاد
رأفت عبد العال
إدفنيني جوه جرحك
واحفظيني للميعاد
احضني فيا الوفا
وامسحي عني الآهات
يوم ما قولت إنتي مني
قولتها من قلب داب
حُبك إنتي نور حياتي
شيء ميعرفش البعاد
لملميني واوعي تنسي
إن أنا جوه الميعاد
قولي عني إني يومك
وإني أمسك
قولي عني إني همسك
ما انتي عارفاني وعارفك
هتلاقيني جوه نبعك
وإني نبضة في نبض قلبك
وإني موهوب أحمي حدك
وأكتب الأشعار في حُبك
وأنكوي في بعدي عنك
وارتوي من نبع قلبك
بس ليه تنسي ودادي
ياللي بابي هو بابك
دي الحقيقة في الميلاد
شبكة أخبار مصر ٢٠٢١/٤/٥
