اغتصاب فنانة شهيرة من صديقها في طريق عودتها لمنزلها
القاهرة – شبكة أخبار مصر
ينشر “شبكة أخبار مصر” نص التحقيقات في القضية رقم 570 لسنة 2021 كلي شرق القاهرة، والمتهم فيها شريف إبراهيم غريب الكومي، ويوسف قرة، وأمير زايد، باتهامهم في مواقعة فنانة شهيرة بفيلا خاصة بمراسي الساحل الشمال، بأن واقعوا المجني عليها الممثلة “ياسمين. ح” بغير رضاها، بأن دسوا لها مخدرًا في شرابها قاصدين بذلك إعدام إرادتها، والتعدي عليها جنسيًا.
وشرعت جهات التحقيق في مواجهة المجني عليها “ياسمين .ح” بالمتهم أميز زايد، وبمناسبة تواجده في النيابة دعته لمواجهة المجني عليها بتاريخ 29 أغسطس 2020.
وتوجهت النيابة للمجني عليها “ياسمين .ح” بالأسئلة:
س: ما هي صلتك بالمتهم أمير زايد؟
ج: كان صاحب ناس أعرفهم.
س: مَن مِن أصدقائك المشتركين مع المتهم أمير زايد في الواقعة؟
ج: واحد اسمه شريف الكومي.
س: هل شاهدتِ المتهم أمير زايد مع المتهمين؟
ج: مش فاكرة.
س: وكيف نما إلى علمك أن المتهم صديق شريف الكومي؟
ج: أنا أعرف إنه فيه شهود كتير قالوا إن أمير زايد هو اللي في فيديو واقعة الاغتصاب، وأنا كنت عرفت أصحاب شريف فقولت إن أمير صاحب شريف علشان كدا.
س: ما تعليلك وقد قررتِ أن المتهم الحاضر هو ذات ملامح من تقابلتِ معه مكان الواقعة؟
ج: اللي كان قاعد معايا لحد الصبح في الجنينة والمرجيحة داخل فيلا بتاعت مراسي واللي شوفته بيحط ليا حاجة في الكاس، هو نفس ملامح اللي واقف قدامي دلوقت بس مقدرش أقول إنه هو علشان مظلمش حد.
س: ما دور المتهم المعروض عليكِ الآن تحديدًا في الواقعة محل البلاغ؟
ج: مش فاكرة إذا كان هو اللي في الفيديو ولا لا.
س: هل تقابلتِ أو شاهدتِ المتهم المعروض عليكِ الآن بمكان وزمان الواقعة؟
ج: أنا فعلا مش فاكرة أي حاجة ولكن هو نفس ملامح الشخص اللي كنت قاعدة معاه في المرجيحة في الجنينة بفيلا مراسي
س: وما هو وجه التشابه على حد قولك؟
ج: نفس الطول ونفس لون البشرة ونفس لون الشعر ومش فاكرة حاجة تاني.
س: ما تعليقك على إجماع شهود الواقعة على أن المتهم الماثل هو أحد المشاركين في التعدي عليكِ في مقطع الفيديو المتحرك والمرفق؟
ج: يبقي هو علشان فيه شهود عليه؟
س: هل أحضرتِ هاتفي الاتصال المطلوبين منك؟
ج: لا لسة.
س: مطلوب منكِ تقديم الهاتفين والسابق طلبهما منكِ، وذلك لجلسة التحقيق يوم الاثنين 7 سبتمبر 2020؟
ج: أنا مستعدة لتقديمهم في اليوم ده.
س: هل لديكِ أقوال أخرى؟
ج: لا.
وتوجهت النيابة للمتهم أمير زايد بالأسئلة:
س: ما قولك فيما قررته المجني عليها “ياسمين. م” في التحقيقات باتهامك وآخرين بوضع مخدر لها قاصدين بذلك إعدام إرادتها، والتعدي عليها جنسيًّا؟
ج: الكلام بتاعها مش منظم وتحسه جاية تقوله.
س: هل شاهدت المذكورة من قبل؟
ج: معرفهاش وأول مرة أشوفها
س: إذن ما تعليقك لما قررته أمامك رغم عدم معرفتك إياها على حد قولك؟
ج: هو حد متحفظ كلام وجاي يقوله.
س: هل لديك أقول أخرى؟
ج: أنا عايز أقول إنها لو شافت نفس الملامح بيحط حاجة في الدرينك بتاعها يبقى لازم تكون متأكدة من ملامح الشخص اللي قدامها.
س: ما قولك فيما هو منسوب إليك من أنك بالاشتراك مع آخرين أوقعتم فتاة بأن وضعتم لها مادة تفقد الوعي واتصلتم بها جنسيًّا اتصالًا كاملًا على النحو المبين بالتحقيقات؟
ج: محصلش.
س: ما هي الإجراءات المميزة التي جمعت بينك وبين المجموعة؟
ج: فيه تلاث مرات مارسنا فيها جنس جماعي أنا كنت مشارك فيها.
