اعطي نفسك قدرا من الحب

د /احمد خليفه

ممكن تبطل تيجي على نفسك كتير عشان غيرك وبتتعامل على اساس الاخر الاول وبعدين انا ومفهاش حاجه لو الاخر اخد كل حاجه وانا لا .لما هتبكي ايدك الي هتمسحلك دموعك ولما تقع رجلك الي هتقومك
حاول متنتظرش حاجه من حد عشان متتصدمش لما تلاقي ان معظم الناس الي كنت فاكر انهم سندك اندال (غدرة بيك)
حاول متعليش سقف توقعاتك للناس زيادة عن اللزوم لربما بعض الاصدقاء تخيب توقعك وظنك.
العلاقة الي بيكون فيها طرف بياخد بس والطرف التاني بيدي بس بتكون مدمرة نفسيا واوعي تفتكر انها دي الوفاء ودي حاجه حلوة .
ياجماعه العلاقات ماشية بمبدا خد وهات ويوم عليك ويوم عليه ويوم تضحي عشاني ويوم اضحي عشانك وهكذا .كمان مينفعش طرف يعتزر دايما حتى لو مش غلطان وقيس على كدة بقى لازم هو الي يسال الاول ولازم هو الي يصالح الاول ولو معملش كدة خلاص العلاقة تنتهي ,طرف ماسك الخيط بأيدة وسنانه والطرف التاني ولاكأن الخيط دة يخصة (وعلى فكره دة بيعود الطرف التاني ان دة الصح والمفروض تعمله ولو معملتهوش يبقى انت مقصر وانت وانت ويلومك على حق مش حقه بس انت اديته الحق انه يطالب بشيء مش من حقه !)عشان كدة حاول تفنط(تشوف ) علاقاتك وتشوف انهي علاقة الي لازم تكون فيها وتديها الاولوية وانهي علاقة الي لازم متكونش فيها (وتبعد عنها او تقطعها او تقلل من مكانتها في حياتك ) وخليك راجل في قرارك(سواء كنت راجل او ست ) واتحمل النتائج وكون صبور شوية واتحمل .
وخلي بالك العلاقات دي زيها زي الامراض الجسمية ,في امراض بتتعالج وفي امراض مبينفعش معاها غير البتر (القطع ) العلاقات كدة علاقات تقدر توصلة لعلاج للعلاقة دي وتستمر عادي وفي علاقات مدمره تماما ووصلت لمرحله متاخرة من الاذي ولازم تقطعها
وانا عارف يعني اية بتر يعني جزء من يومك يعني جزء من جسمك اتقطع ومبقاش خلاص معاك وكمية وجع وفراغ هيسيبة , بس احيانا القرار دة بيكون صعب بس لابد منه عشان تقدر تكمل حياتك وبدل ما العلاقة دي تأذي الجزء السليم في حياتك وحياتك تدمر كلها فلابد من القرار البتر
في بعض القرارات في حياتك كان لازم تاخد فيها قرار حازم ومترجعش فية وتتحمل نتيجته ,احيانا تأخيرك بيعقد الامور اكتر وبتكون الخساير اكبر .
في ناس مبترضاش تنهي علاقات فاشلة مع انها مسبباله كمية اذي نفسي ومشاكل وضغوط وحتى امراض نفسية وبرضو متمسك بيها وبيحاول يجبس المكسور منها رغم انها فاشلة !عارف لية بيعمل كدة
علشان هو خايف ,ايوة خايف ليسخرها وميلقاش افضل .
حاول تاخد قرار صح في حياتك واطمن بعد التجربه دي والي اتعلمته فيها هتخليك تختار افضل المرة الي جاية