الخبيرة التربوية شريهان حسن تكتب 4 خطوات للتخلص من القلق

محمد محسن

لوالقلق دايما هو الشعور اللى مسيطر على حياتك وبتحس انه نار تحرق
أمانك وسلامك الداخلى وبيأثر على نومك وأكلك وتفكيرك وطريقة تعاملك
مع الناس واللى بيحصل حواليك يبقى علشان تهزم أى عدو بيواجهك لازم
تعرفه وتفهم بيأثر ازاى عليك وايه اللى بيخليه يزيد وازاى تقدر تقلله
لاقصى درجة تقدر عليها يالا نبدأ
أولا تعريف القلق بكل بساطة القلق هو شعور انسانى طبيعى يعنى عادى
زى الحزن الخوف الغضب الفرح فعادى شعور كبشرلازم نحس بيه لكن
اللى مش عادى أنك تسيبه يتحكم فى أفعالك ويقلب حياتك رأسا على عقب
بعد ما عرفت أن القلق هو شعور تعال أقولك هو بيجى منين أو سببه أيه
؟؟
أى شعور بنحس بيه بدايته فكرة لان الافكار بتولد شعور والشعور بينتج
عنه سلوك او تصرف بتعمله أو قرار بتاخده يبقى طالما القلق شعور يبقى
أكيد سبقته أفكار أو فكرة معينة جت فى عقلنا وشغلتنا وولدت الشعور ده
حلو أوى يبقى الازم تعرف ايه هى الافكار دى؟؟؟
كل واحد فينا له اسباب كتير أو أفكار كتير لما بتسكن العقل وتشغلنا نحس
بعدها بالقلق والخوف والتوتر بس من أهم وا كتر الاسباب العامة اللى ممكن تسبب القلق هى:
*المقارنة بالاخرين
*التفكير والانشغال بالمستقبل
*السعى للكمال والمثالية
*الخوف من الفشل
وغيرها كتير من الافكار اللى ممكن تسبب الشعور بالقلق وحتى كل سبب
منهم ممكن يتقسم لحاجات كتير يعنى مثلا الخوف من المستقبل ممكن يبقى خوف أو تفكير علشان مستقبل وظيفى أو خوف على عيلة أو خوف من موت او خوف من مرض
مقارنة نفسك باالاخرين دايما بتخليك مع القلق والهم تحس بالغيرة والحسد
اللى ممكن بدل ما يخلوك تسعى لقدام وتنجح وتتميز ترجع خطوات كبيرة
لورا ويزيد كمان عليهم أحساس بالفشل
دلوقتى بقى تعالى نعرف أزاى أقدر أتغلب على القلق أو على الاقل أقلل
تأثيره على تصرفاتى مع نفسى واللى حواليا ؟؟
أول وأهم وأقوى طارد للقلق هو الايمان واليقين بالله عز وجل وفى عطاء
الله لينا اللى هو كله خير وأنه رزقك وميزك بنعم ومميزات وصفات مختلفة
عن أى حد تانى كلنا لينا بصمة مختلفة فأوال أمن ان كل ما يأتى هو خير
حتى لو أنت شفته غير كده حتى لو كانت كارثة كبيرة فمعها يأتى اليسر ان
مع العسر يسرا ان مع العسر يسرا وكمان طالما أمنت وعرفت أن كل ما
يأتى خير وأن عندى من المميزات اللى أقدر أنجح فيها زى غيرى ببصمتى
أنا حتى لو متشابهين فى مجال الشغل والحياة
الحاجة التانية اللى تساعدك أنك تتخلص من القلق هى الصلاة والتأمل
علشان تقدر تهدى من قوة الشعور بالقلق وتبدأ تفكر بعقلانية أكتر من غير
ما يبقى القلق هو المسيطر
كمان ممكن تلجأ لنظرية أو حيلة ذكرها ديل كارنيجى للتغلب على القلق
وهى أنك لو قلقان من مقابلة عمل مثال أو موقف حيحصل أو حدث والقلق
مسيطر عليك أنك بعد ما تهدى نفسك بالتأمل أو االصلاة أو الاسترخاء تبدأ
تفكر فى أسوأ سيناريو ممكن يحصل وتبدأ توجد حلول للى حيحصل ده
يعنى مثال لو رايح مقابلة شغل وأنت فعال محتاج الوظيفة أيه أسوأ حاجة
ممكن تحصل أنك تترفض متتقبلش أكيد مفيش حاجة أسوأ يبقى تبدأ تفكر
طيب لو اترفضت من الوظيفة دى أيه البديل أيه الشركات التانية أو
المدارس أو الاماكن اللى أقدر أقدم فيها طيب أيه البديل للوظيفة دى هل
مثال أنى افتح مشروع لوحدى أو مع حد هل أجرب طريقة تانية أقدر أدور
بيها على شغل هل ممكن حاليا أكون أو أقدر أنى أقدم على تدريب أو أكون
تحت التمرين مثال فى مكان فتزيد خبرتى؟؟؟
وحلول تانية كتييير حتتلاقيها ظهرت فى عقلك وممكن تتنفذ أول بقى ما
حتلاقى نفسك شايف أن فى حلول تانية بديلة وأن دى مش أخر وظيفة على
الارض زى ما احساس الخوف والقلق بيخليك تتخيل ده وقتها حتحس
بالراحة أكتر وتطمن أكتر
يبقى الخلاصة :
*اليقين بالله
*عدم مقارنة نفسك باألاخرين
*فكر فى أسوأ سيناريو وحطله حلول
*تعرف وتسأل نفسك أنت ليه قلقان ليه خايف والسبب أيه وتقدر تحل
المشكلة دى ازاى
دى كده حلول عمليه سهلة بسيطة علشان تطفى نار القلق بدل ما تأكل فى
عقلك وتأثر على جسمك بأمراض ضغط أو قلب والعياذ بالله انت فى غنى
عن الادوية الوقاية خير من العلاج