كل العجب…

بقلمي هبه عبدالله الدمنهوري..

كل العجب تسمعه…
لما تشوف أحوال الناس..
والماضي صعب نرجعه…
ده لكل شئ في الدنيا أساس…
فيها اللي عامل فهلوي…
واللي في همه محتاس….
دنيا غريبة اطوارها…..
ومدوخانا بأفعالها ……
الصبر وياها حبله طويل…..
تتعبنا.معاها يرتاح بالها…..
دنيا أحوالها غريبة….
أوقات تلاقيها حبيبة.
وساعات تشدك من ودنك…
وتلبسك أحلي مصيبة.
صحصح لها أوعا تغرك..
الحلو فيها وشك.ظهرك..
بين ليها العين الحمرة…
وان تعبتك.أسقيها مرك..