الاختلاف بين الأجيال

ندى حمدى

كل واحد مننا يتمنى ان يمتلك عائله داعمه له وتكون طرف مساعد له فى حياته وتسانده فى كل خطوه يمشيها فى حياته مش توقف فى عقبه فى طريقه ، لا المفروض انها تكون متفهمه ان لكل جيل طريقه تفكير مختلفه عن الجيل اللى هما اتربوا فيه ميحاولوش يطبقوا اللى اتربوا عليه على ولادهم ويكونوا وسيله ضغط ليهم بدل ما يكونوا وسيله دعم.
طبعا العيله مش هتكون وسيله دعم غير لما تعزز الجانب العاطفى عند ولادهم لان الجانب العاطفى مهم جداا للشباب وخصوصا لو كان من ناحيه العائله لان الجانب العاطفى من ناحيه عائلته هيحسسه بقدر كبير من الاستقرار العاطفى ودا هيعود على حالته النفسيه لان الحاله العاطفيه والنفسيه وجهين لعمله واحده اذا كانت حياته العاطفيه مستقرة دا هخليه يتمتع بحاله من السلام النفسى.
لازم تكون الاسرة داعمه ومساندة ابناءها تحسسهم ان ليهم اهميه تاخد رايهم وتستعين بوجهة نظرهم دا هيحسسهم ان ليهم دور ومكانه فى الاسرة..
واذا انهم ملاقوش الدعم دا من اسرتهم هيضطروا انهم يدوروا عليه برا وهيكونوا منعزلين عن عيلتهم لانهم مش لايقين المكانه النفسيه اللى تقربهم من اسرتهم ودا هياثر على حالتهم النفسيه هيملوا للعزله اوووى وكمان التمثيل ودا اخطر حاجه انه يمثل انه مبسوط قدامهم وانهم مش فارقين معاه والتمثيل دا مش وسيله غير انهم بيحاولوا يهربوا من الواقع ويلاقوا وسيله للعيش وسط اسرتهم ..
تقدير العائله للشباب دا من اهم الاحتياجات اللى اى فرد يبتمناها لانها هتشكل جانب مهم فى استقراره النفسى ..
حاولوا تقدروا ولادكم حاولوا تعاملهم على انهم اصحابكم مش مجرد ولادكم تتحكموا فيهم وتفرضوا سيطرتكم عليهم خدوا رايهم حسسوهم بقيمتهم وان يكون عندهم ثقه فى نفسهم علشان يطلعوا عندهم صلابه نفسيه مش يكونوا هاشيين نفسيا اى كلمه او موقف يأثر فيهم . خليهم يكون عندهم ثقه فى انهم هيقدروا يتصرفوا لوحدهم لو اتحطوا فى اى موقف مش تكونوا ملازمين ليهم وتتحكموا فى اهدافهم عاملوا ولادكم على انهم كبار، واعيين لنفسهم يقدروا يتحكموا فى تصرفاتهم مش على انهم اطفال هتخاف مش هتعرف تتصرف…..