نفسي ارجع طفل صغير

بقلمي هبه الدمنهوري.
نفسي ارجع طفل صغير……..حتي ولو اسبوع.
يضحك ضحكه من قلبه……..وينام من غير دموع.
يجري ورا ولاد الحاره.ويلعب استغمايه.
ونتلم في لعبه كوره.دي كانت احلي هوايه.
ولما تعدي الطياره نطيرجري عليها.
وامسك في ايدي مرايه واعكسها في عنيها.
وارص قالبين طوب والعب لعبه عصفور.
ولما اكسب اضحك اوي وم الفرحه الف وادور.
وبالليل انام علي نفسي ع الارض او علي كنبه.
همدان من كتر الجري واللعب والغلبه.
واحلم وانا نايم بالحصه والمدرسه.
والشنطه واخدها في حضني وجيوبي مفلسه.
اصحي الصبح اصلي واتخانق علي مصروفي.
اخده والحق زمايلي واشتري شوكلاته وتوفي.
واعشق حصه الرسم واجيب الوان الميه وارسم شجره وزهريه.
والفصل كله يسقف لي من صغري بنت شقيه.
وارجع مرتاح البال مش شايل هم الدنياا.
العب انا واصحابي ونعيشها ثانيه بثانيه.
والفرحه تملي عيوني والضحكه تجيب اخر الدنياا.
نفسي ارجع طفل صغير حتي ولو اسبوع.