الطيبون يرحلون وتبقي سيرتهم العطرة
رانا الجوهرى
الشرقيه
توفي إلي رحمة الله
ملازم أول /محمد محمود عرابي
دفعة 2017
الضابط بإدارة مرور القاهرة الجديدة
علي أثر أزمة قلبية
هذا الضابط عليه رحمة الله كان مثال للإنسانية وكان علي خلق و محبوب من الجميع .
من أكتر من سنة وتحديداً في شهر سبتمبر 2019 كتبت عن موقف إنساني حصل معاه لما كان في مرور مدينة نصر .
تعالوا نستعيد الموقف ده وندعيلة بالرحمة والمغفرة وندعي ربنا يلهم أهله الصبر والسلوان .
جبر الخواطر في إنسانية ضابط
ملازم أول /محمد عرابي
ضابط بمرور مدينةنصر
كان في الشارع و فجأه شاف بياع سوبر ماركت بيجري ورا طفل لا يتعدي ال ١٠ سنوات و بيقول حرامي و كان الطفل بيجري في إتجاه الضابط و لم يكن يلاحظ وجود ضابط شرطه فإذا اصتدم الطفل بالضابط و اذا ببياع السوبر ماركت بيقوله الله ينور يا باشا ده حرامي الضابط تجاهل بياع السوبر ماركت و بص للولد و قال له انت اخدت ايه فوجد في ايده كيس عيش و كيس شيبسي فالطفل بص للضابط و قاله ونبي متحبسنيش يا باشا قاله متخفش يا حبيبي و اخرج محفظته امام الناس و بص للبياع قاله بكام دول قاله ١٥ جنيه و خرج الضابط الفلوس من المحفظه و قال للبياع امسك وسط منظر تعجب منه الناس قاله يا باشا ده عيل متشرد حرامي متعود يعمل كده سيبهولي بس انا هاكله علقه اخليه يحرم نظر الضابط للبياع نظره غضب و قاله كلمه مؤثرة لما طفل عنده ١٠ سنين ياخد منك اكل و يجري ده ميبقاش إسمه سرقه ده يبقي إسمه جوع يلا يا أستاذ إتفضل روح علي محلك وسط ذهول كبير من الناس إن الضابط ميهمهوش منظره وسط الناس ولا برستيجه و يدور بين الضابط و الطفل حوار في قمه الروعه و الطفل بعد ماكان منهار في البكاء يمشي بيضحك و هو بيقول للضابط يا باشا انا لما اكبر هدخل الشرطه و ابقي باشا زيك وضحك الضابط من كلام الطفل .
رحم الله هذا الإنسان رحمة واسعة واسكنه فسيح جناته .
