تعرف تعد لحد كام.

هبه عبد الله الدمنهوري

الشرقيه

تعرف تعد لحد كام.

عد كل دمعه نزلت علي خدي.

كل نزف جرح قلبي من الايام.

عد كل ااه ومرار عاشه قلبي.

كل فرح اتبدل وهم وطار مع الاحلام.

تعرف تعد لحد كاام.

عديت سنين عمري اللي راحت مني.

ولا كل شعره في راسي شابت رغم صغر سني.

ولا كل ضحكه وجع من قلبي.وحيره مني.

طب عديت حسره القلب.

وخيبه الامل مع كل حب.

عديت ليالي ماذوقت النوم.

ولا دول ركنوا علي جمب.

قولي بس تعرف تعد لحد كاام.

عد البراءه اللي اتغيرت مع الاياام.

والصحاب بااه يالله نفسي.

لاعتاب بينفع.ولا دمع يشفع.

ياصبر قلبي اللي راح يالله السلام.

عديت الوقت لحد كااام..