قصيدتى :”ولد القبايل”

بقلم : ريم جابر

وما يعــلم البكـــــا غـير كثرة الأحـــزان
ومنيــن يجينا الفرح والكل مدعى التوهـان

قالــــــوها كلـــــمة زمــــــان
قليل الأصل ســـاعة الكرب بيبــان

ومهمــا إداله اللــــــى خلقـــــه
وفتح عليه الكريم برده يظل جــعان

امــا الأصيل يازمـن متغيـــــره الأيــام
لونـام من غير زاد هيشم أيده يبات شبعان

وبتــمــــرد علـــــــــى الأحـــــزان
علــــــى امــل أعيـــــش إنســــــان

أبــص حواليا الاّقـى كـل خسيس وجــبان
جمع حواليه الأفاعى وعمـــل لنفسه كيان

عامـل نفســـه وجيه وعلــــــــــم
صــاحـــــب قلـــــــم رنــــــــان

وعجبى على ولد القبايل راسم هوايل
على اللمة وهو فى الأصـــل جبـــان

خسيس تلاقيـه يجرى على نفســــــه
يـــدوس اهـــله يـــدوس ناســـــــه
ماهــى حسابات مسطـرها فى كراسه

ومستحيل يحسب الحسبة ويطلع منها خسران
قــالــــــــوا الخســـيـــس انســــــــان

واقـــع وعايشينــــه بعنيــنا شايفينـه
الدنيا تيجى عليك ماتــلاقى ناس حواليك

ووقت لقمتك ماتتمد يجوا الحبايــــب
كلــــهم يعملوا فيــها صحاب واخوان

يرسموا الضحكة والطــــــــــيبة
ويحسسوك حواليك باللــمة والهيبة

وإنــت عشــان طيـــب تصــــــــدق
انى بقـــالــــك ضهر وسـند ياغلبان

ولمــا تخلــص اللقمــة تلاقيــــــــهم
زى الثعالــــب يكــشروا عن النيبــــان
ماهى الدنيا مليانة من الأصناف أشكال وألوان.