صورة وخيال

صورة وخيال

رأفت عبد العال

صورة وحاضنها الخيال
الماضي يرجع لا محال
لما الهوى على قلبي مال
صحى عبير الورد قام
طرح الغرام طرح الهيام
صورة تقول اتجسدت
ذكرى معاها اتجددت
بالروح اشوف جوه
عنيها ١٠٠ سؤال
وسألت ايه المسألة
أنا في واقع أم خيال
هو الزمان يرجع بنا
للصورة سحر أكيد عجيب
من نظرة جابتلي الحبيب
وف لحظة صحت حلمنا
جابت معاها عمر فات
جوه الإطار فيه نور ونار
فيه حاجة حلوة اتكلمت
وذكرى فايتة اتألمت
وأنا من لهيب العشق
سارررح بالخيييييال
معرفتش احسب إن
عمر الماضي كان
رد الزمان وقال سلام
هو الزمان يرجع محال
لكن العجيبة والأكيد
الصورة ليها ألف إيد
بفكري لعبت آه أكيد
لعبت بفكري آه أكيد
لساية واقف من زمان
ويا الزمان واقف أكيد
وده كان زمن عمري السعيد
وكإن عمري اللي دبل
لساه هنا تاني من جديد
لساه اكيد يحلم بحل المسألة
لكن أكيد أكيد سعيد
وإن إنتي ويايا هنا بخيال بعيد