أدب وشعر
إنعاش
بقلم / رأفت عبد العال
مرار طافح يهد الحيل
ده حتى الصبر فاض م الكيل
اشوف الصورة مقلوبة
ولما بحاول اعدلها تميل اكتر !!!
حكيم قاللي ياولدي
لو تعيش مهموم هينشف
عودك الأخضر
بلاش تتعب بقى حالك
وسيب الصورة والمنظر
ميزان العدل مش قايم
طريق العلم للحاوي
وموج البحر للعايم ابو وشين
وأنا وانت ف شق النور
نسطرحلمنا المهجور
ومين ع الصبر هيدلك
ومين ينفع حزام ضهرك
مرار الكيل صحيح طافح
ووش الصبح مش واضح
وسيف الصدق بيداوي
وراح الصدق في الإنعاش
زمان الصدق أعجوبة
وحاوي السرك م الابطال
ميزان الزيف صحيح ظالم
لكن قلمك قلم أحرار
قلم أحرار
شبكة أخبار مصر ٢٠٢٠/١٠/٢٣
