أدب وشعر
عقود فضة
بقلم /رأفت عبد العال
يامصر ياصانعة المواويل
مواويلك عقود فضة
نلاقي في حبك المواويل
بتتوضى
ونيل بيحضن المجداف
بإيد صابرة
وغنوة جوه موالك
تقول طاهرة
وشمس ما تخلف المواعيد
ما هى عارفة
بإن الدنيا عارفاكي
ومش ناكرة
ولو تاهت بنا الخطوة
نلاقي في حضنك
الأمان والخضرة
وأحلى صحاب بتتواعد
على اللمة
وقلب كبير بيمسح دمعنا
ياسمرا
وحب باقى في قلوبنا
بالفطرة
وناي بيعزف المواويل
على حبك بإيد دافية
وشاهد إنك الباقية
ولما الخطوة تاخدنا
ونتغرب
نغنيلك ……مواويلك
ونهديكي عقود فضة
شبكة أخبار مصر ٢٠٢٠/١٠/٦
