أدب وشعر
إياكي تنسي
رأفت عبد العال
أنا إللي حكايتي ناكراني
ومش عارف افوت طيني
ولا عارف اكون قلبك
ولا ناوي تحاوطيني
ياريت كل الحروف صدقت
ياريت مرة تناديني
قالولي سيبها دي السمرا
وسيب عمرك وسيب طينك
لقيت كل العجب بيننا
لقيت غناويكي في سنيني
عتاب بيننا !!!!!
وضلاية وشمساية وقمراية
يدقوا القلب وتجيني
تحن الدمعة من عيني
ياعمري ياندى سنيني
بحبك اصلي من طينك
غزلت كل الحكاوي من قلبك البنور
وعملت كل الغناوي من ليلك المسحور
عديت في حُبك حروفك
طرحت حنين وعطور !!!
إياكي تنسي ودادي
اسقيه يانبع النور
من يومي عاشق ترابك يا ام الصبايا الحور
شبكة أخبار مصر ٢٠٢٠/٨/١٢
