بقلم اشرف الفراني
كنا عيال والدنيـا حـلم ونـور
نلعب ونمرح ف الفضاء الحُر
أعكس شعاع الشمس بمـرايه
وارميها نار من قلبي ساعة حَر
علي سطح بيتها ، تُطل قمرايه
اَحتار ساعتها اِزاي بيرجع دُر
لما العيون ترفع ما بينّا جـدار
أكظم ف غيظي وف عيوني شَر
ساعة تغيب وتسِد باب الروح
تفتح ظنوني اَبواب بطعم المُر
لما تقِيد النور يرفرف العصفور
يجمح خيالي ف اقتحام السِر .
شعر/أشرف الفراني
error: Content is protected !!
