أدب وشعر
رسمك
رأفت عبد العال
كل الصور صورك
من لون عينكي الشمس تتلون
ياللي الربيع من اسمك اتكون
على خد نجمه تترسم صورتك
وف قلب قمرة ينولد حبك
نكراني ليه يا أنا
وانا حيرتي من حيرتك
صوت النايات هزني نطق الحنين اسمك
صبيت في قلبك هوى ضاع في العناد رسمك
نكراني ليه وأنا اللي عاشق سكتك وبصمتي وشمك
أنا اللي ساكن نبضتك يامغربة حلمك
ليه ساكنة قلب الخوف والنور على كفك
كل النايات تعشقك
لما تغيبي تندهك
وتدور على جفنك
وتحسبك وتجمعك
ياللي الربيع ما ودعك
كل الصور صورك
نكراني ليه يا أنا
وانا صوت حنين نبضك
ياعيون ساكنها الخوف
ليه تعشقي صمتك
قومي هزي قلب الشوق وكملي وعدك
شبكة اخبار مصر ٢٠٢٠/٧/١٥
