قرأت لك لم نستوعب ولن نستوعب حتى الأن 30 يونيه

محمد هجرس يكتب

متابعة عادل شلبى 

لحد دلوقتي مش قادر أستوعب إزاي اللي ما يتسماش مطرح ما راح، يعزل وزير الدفاع ورئيس الاركان و 146من قيادات الجيش ويجيب لواء مدير مخابرات حريبة يرقيه ترقيتين مرة واحده وبيقى وزير الدفاع اللي اختاره الاخوان بملء إرادتهم وقعدوا يمدحوا فيه في كل وسائل الإعلام بإيمانه وقربه لله واخلاقة وعدله و… و…. وسوقوه لينا على إنه إخواني وقالوا عنه وزير دفاع بطعم الثورة ..فأراد الله ان هو اللي يعزلهم ويكون السبب في إنقاذ مصر من هذا الكابوس! .. تذكروا فرعون.. الذي ذبح كل الأطفال وترك سيدنا موسى.. وليس تركه فحسب بل هو الذي ربّاه في بيته. – إزاي يا سيسي قدرت تفلت من مؤامرة جر مصر لعقوبات مجلس الأمن بعد ما عزلت الأخوان وفضيت اعتصام رابعة؟! … وإزاي العرب جات لهم الجرأة على غير العادة إنهم يتحدوا إرادة أمريكا والغرب عشان يدعموك !؟ والأغرب من ده كله إن يتم إختيار مصر في عضوية مجلس الأمن غير الدائمة ولمدة سنتين في أكتوبر 2015 !! – مش غريبة إن الغرب لما قال إنك مش قادر تسيطر على الإرهاب في مصر ، ييجي الإرهاب ويضربهم في باريس وبروكسل ولندن أكبر المدن الأوربية !!؟ والأغرب برضه إن يتم إختيار مصر لرئاسة لجنة مكافحة الإرهاب في ديسمبر 2015 !! – مش غريبة أنهم في الوقت اللي بيحاصروك فيه اقتصاديا ربنا يجعلك تكتشف أكبر إحتياطي غاز بالعالم في أرضك !!؟ – مش غريبة أنهم يمولوا سد النهضة عشان يعملوا على مصر حصار مائي ، يقوم الفيضان ييجي ويملا السد العالي ويفيض في سابقة لم تحدث من 100 عام !!؟ – مش غريبة أن أغلب الشباب المعوقين اللي أتصوروا جنبك فازوا بميداليات في أولمبياد ريو دي جانيرو بالبرازيل في أغسطس 2016 !! – مش غريبة إن المرشح الأمريكي للرئاسة ترامب اللي وصفته بأنه هيكون زعيم قوي هو اللي يفوز بالمنصب رغم كل التوقعات بفوز هيلاري كلينتون !! – مش غريبة أن رغم كل المؤامرات والعراقيل اللي بتتعمل في سكتك (إرهاب – ضرب سياحة – تدمير إقتصاد ممنهج – لبن أطفال – رز – سكر – إرتفاع الدولار – إشاعات) كل ده ولسة قادر تتخطاهم وتكمل وتبني وتعمر في بلدك !! – ياراجل دي لأول مرة في التاريخ المعارضة بدل ما تسألك بتودي الفلوس فين؟ بقوا يقولولك بتجيب فلوس المشاريع دي منين !! – مش غريبة إن رد فعلك يذهل العالم حين ضربت بالطائرات داعش واذنابها مرتين ويقف العالم في الأولي مذهولا وفي الثانيه كان مؤيدا !! – مش غريبه أن اللي ينصرك ويؤيدك، هو الحق تبارك وتعالي القائل والله لانصرن من لاحيلة له حتي يتعجب أصحاب الحيل.. فإن كان الله معك فمن عليك انت مين يا عم انت !! .. وعشان كده ثقتي في هذا الرجل لا تنقص أبدا بل تزيد.. والله ناصر من ينصره وَقُلْ جَاءَ الْحَقُّ وَزَهَقَ الْبَاطِلُ ۚ إِنَّ الْبَاطِلَ كَانَ زَهُوقًا ..صدق الله العظيم.. ومن أصدق من الله قيلاً؟ 30 يونيه ارادة شعب