أدب وشعر
رأفت عبدالعال يكتب ضباب
ضباب
بقلم/رأفت عبد العال
الضباب نازل
على عيون الربيع
والقلوب العطشانين
خايفه تضيع
وازاي تطير
وأنت في قلب الشرنقة
توصل حدود الانصهار
تمد عينك للفضا
ترجع عدم
جوه الضياع
مليون وجع حصد الندم
وخيالك إللي أنزوى
مراية لمراية
خط القلم حكمته
آيه ورا آيه
وشربت كاسك حزن
وخدتها هواية
معلون ياقلب القهر
معلونة ياغواية
وغريبة ليه خطوتي
دي السكة ويايا
طول عمري شايل عنب
ما وصلش جوايا
حلم المغارة دهب
مقلوبة يا حكاية
انصاص قوالب عجب
مرصوصة ليها غاية
ليه بعت عمرك عتب
يا ضمير ملاه التعب
تعبت جوايا
شبكة اخبار مصر ٢٠٢٠/٦/٢٠