عارفين الشعب مش ملتزم ليه بالحظر وبيتعامل بغشوميه ولا مبالاه

متابعه/ سماح محمد

لأن الخوف من الجوع أقوى من الخوف من كورونا
لأن الناس حاسه بالجوع
لأن الناس اتعودت ع المرض والأمراض ومش فارق معاها
لأن الفقر والجوع مبيرحموش
الناس مش حاسه ولا خايفه من كورونا.. بس لو عايزين الناس تلتزم؟
طمنوهم ان عيالهم مش هيعيطو من الجوع
طمنوهم انهم مش هينطردو من البيت علشان الإيجار
طمنوهم انهم مش هيتحبسو علشان الأقساط
طمنوهم انهم مش هيعيشو ف الضلمه علشان مدفعش فاتوره الكهرباء والغاز والماء
طمنوهم انهم مش كدا ميتين وكدا ميتين،
ساعتها هتلاقو شعبنا ملتزم وعنده وعي احنا اكتر شعب عندنا علم وعلماء وعندنا تحضر ووعي اكتر من اي بلد تاني بس في حكمه بتقول المضطر يركب الصعاب.
الحياه في مصر مش زي اللي بتشفوها في التلفزيون